റിയാദ്:
സൗദിയിൽ മലയാളി നഴ്സിനെ ബാധിച്ചത് കൊറോണ വൈറസ് അല്ലെന്ന് സൗദി ആരോഗ്യ മന്ത്രാലയം. സയന്റിഫിക് റീജണല്‍ ഇന്‍ഫക്ഷന്‍ കണ്‍ട്രോള്‍ കമ്മിറ്റിയാണ് ഇക്കാര്യം സ്ഥിരീകരിച്ചത്. നഴ്സിനെ ബാധിച്ചത് മെർസ് എന്നറിയപ്പെടുന്ന മിഡിൽ ഈസ് റെസ്പിറേറ്ററി സിൻഡ്രോം ആണെന്ന് ആരോഗ്യ മന്ത്രാലയം വ്യക്തമാക്കി. യുവതിയുടെ നില മെച്ചപ്പെടുന്നതായും രണ്ടു ദിവസത്തിനകം ആശുപത്രി വിടുമെന്നും ജിദ്ദയിലെ ഇന്ത്യൻ കോൺസുലെറ്റ് അറിയിച്ചു. നിലവിൽ സൗദിയിലെ അസീര്‍ നാഷണല്‍ ആശുപത്രിയില്‍ ചികിത്സയിലാണ് അവർ .