Reading Time: < 1 minute
തൃശ്ശൂർ:

2020 ജനുവരി 1ന് തൃശൂരിൽ വെച്ച് ആയിരക്കണക്കിന് വിദ്യാർത്ഥികൾ ചേർന്ന് നടത്തുന്ന കാലാവസ്ഥാ വലയം പരിപാടിയുടെ ലോ​ഗോ പ്രകാശനം ശ്രീ അച്യുതമേനോൻ ​ഗവൺമെന്റ് ആർട്സ് ആന്റ് സയൻസ് കോളേജിൽ വെച്ച് കേരള കാർഷിക സർവ്വകലാശാല രജിസ്ട്രാർ ഡോ.​ഗിരിജ. ഡി നിർവ്വഹിച്ചു.

കാലാവസ്ഥാ വ്യതിയാനം ഒരു പ്രതിസന്ധിയായി നമ്മുടെ മുന്നിൽ അവതരിച്ചിരിക്കുന്ന സന്ദർഭത്തിൽ അവയെ നേരിടാൻ വിദ്യാർത്ഥികൾ അടങ്ങുന്ന യുവതലമുറ ഒറ്റക്കെട്ടായി മുന്നോട്ടുവരണമെന്ന് ഡോ.​ഗിരിജ അഭിപ്രായപ്പെട്ടു. യൂറോപ്പിൽ ​ഗ്രെറ്റ തൻബർ​ഗിന്റെ നേതൃത്വത്തിൽ നടക്കുന്ന പ്രക്ഷോഭം നമ്മിൽ ആവേശം നിറയ്ക്കുന്നതാണെന്നും അവർ അഭിപ്രായപ്പെട്ടു.

ചടങ്ങിൽ കോളേജ് പ്രിൻസിപ്പൽ ഡോ.വി.ആർ.മുരളി, പ്രൊഫ. ഉണ്ണികൃഷ്ണൻ ടി, പ്രൊഫ.സോണി, വി.കെ.ശശികുമാർ എന്നിവർ സംസാരിച്ചു. വിശാൽ എസ് വിജയൻ സ്വാ​ഗതവും ആര്യ ടി.എസ് നന്ദിയും പറഞ്ഞു.

കോളേജ്, ഹയർ സെക്കണ്ടറി സ്കൂളുകളിലെ വിദ്യാർത്ഥികൾ ചേർന്ന് രൂപീകരിച്ച സ്റ്റുഡൻസ് ഫോർ ക്ലൈമറ്റ് റെസിലിയൻസ് എന്ന കൂട്ടായ്മയാണ് ജനുവരി 1ന്റെ കാലാവസ്ഥാ വലയം പരിപാടി സംഘടിപ്പിക്കുന്നത്.

Advertisement