പാക്കിസ്ഥാനിൽ നൂറു കോടി ഡോളറിന്റെ നിക്ഷേപം നടത്താൻ ചൈന നീക്കം

ഇ​സ്‌​ലാ​മാ​ബാ​ദ്:

പാ​ക്കി​സ്ഥാ​നി​ല്‍ നൂ​റു കോ​ടി ഡോ​ള​റി​ന്‍റെ നി​ക്ഷേ​പം നടത്താനുള്ള നടപടികളുമായി ചൈ​ന. പാ​ക്കി​സ്ഥാ​നി​ലെ ചൈനീ​സ് സ്ഥാ​ന​പ​തി യാ​വോ ജിം​ഗ് ആ​ണ് ഈ വിവരമറിയിച്ചത്.

ചൈ​ന-​പാ​ക്കി​സ്ഥാ​ന്‍ സാ​മ്പ​ത്തി​ക ഇ​ട​നാ​ഴി (സി​.പി​.ഇ.​സി.) വി​കസിപ്പിക്കാനുളള പ​ദ്ധ​തി​ക​ളു​ടെ വേ​ഗ​ത ശരിയായ വിധത്തിൽ നീങ്ങിക്കൊണ്ടിരിക്കുകയാണ്. ചൈ​ന-​പാ​ക്കി​സ്ഥാ​ന്‍ സ്വ​ത​ന്ത്ര വ്യാ​പാ​ര ക​രാ​റി​ന്‍റെ (സി.​പി.​എ​ഫ്.​ടി.​എ.) ര​ണ്ടാം ഘട്ടം ഒ​ക്ടോ​ബ​റിലായിരിക്കും അ​ന്തി​മ​രൂ​പ​ത്തിലെത്തുക. പിന്നാലെ, പാ​ക്കി​സ്ഥാ​നി​ല്‍​നി​ന്നു​ള്ള കാ​ര്‍​ഷി​ക ഉ​ല്‍​പ​ന്ന​ങ്ങ​ളും സ​മു​ദ്രോ​ല്‍​പ്പ​ന്ന​ങ്ങ​ളും ഉ​ള്‍​പ്പെ​ടെ​യു​ള്ളവയുടെ ക​യ​റ്റു​മ​തി​യു​ടെ 90 ശ​ത​മാ​ന​ത്തി​ന്‍റെ​യും തീ​രു​വ, പൂ​ജ്യം ശ​ത​മാ​ന​മാ​യി കുറയുമെന്നും അ​ദ്ദേ​ഹം വ്യക്തമാക്കി.

ചൈ​നീസ് വി​പ​ണികളിലേക്കുള്ള പ്ര​വേ​ശനം പാ​ക് ക​യ​റ്റു​മ​തി​യി​ല്‍ 50 കോ​ടി ഡോ​ള​റി​ന്‍റെ വ​ര്‍​ധ​ന ഉ​ണ്ടാ​ക്കുമെന്നാണ് പ്രതീക്ഷിക്കുന്നത്. ഇ​ത് ഉ​ഭ​യ​ക​ക്ഷി വ്യാ​പാ​ര​ത്തി​ലു​ള്ള വിടവ് നികത്താൻ സഹായകമാവുമെന്നും ചൈനീസ് സ്ഥാനപതി ഓർമിപ്പിച്ചു.