ന്യൂഡൽഹി:
ഒരു നിയന്ത്രണവുമില്ലാതെ തിരഞ്ഞെടുപ്പ് പ്രചാരണങ്ങൾക്ക് അവസരമൊരുക്കി കൊവിഡ് വ്യാപനം അതിരൂക്ഷമാക്കിയ തിരഞ്ഞെടുപ്പ് കമ്മീഷൻ ഉദ്യോഗസ്ഥർക്കെതിരെ കൊലക്കുറ്റത്തിന് കേസെടുക്കണമെന്ന മദ്രാസ് ഹൈക്കോടതി നിർദേശത്തിനു പിന്നാലെ കമ്മീഷൻ കോടതിയിൽ. ഇത്തരം വാക്കാലുള്ള നിരീക്ഷണങ്ങൾ റിപ്പോർട്ട് ചെയ്യാൻ മാധ്യമങ്ങളെ അനുവദിക്കരുതെന്നാണ്കമ്മീഷന്റെ ആവശ്യം.
രാജ്യത്ത് കൊവിഡ് വ്യാപനം രൂക്ഷമാക്കുന്നതിൽ തിരഞ്ഞെടുപ്പ് പ്രചാരണം കാരണമായെന്ന് തെളിയിക്കുന്നതൊന്നുമില്ലെന്നും കൊവിഡ് അധികമുള്ള സംസ്ഥാനങ്ങളെല്ലാം തിരഞ്ഞെടുപ്പ് നടന്നവയല്ലെന്നും കമ്മീഷൻ വാദിച്ചു. കോടതി നിരീക്ഷണം സംബന്ധിച്ച മാധ്യമ റിപ്പോർട്ടുകൾ ദുഃഖിപ്പിച്ചുവെന്ന് കോടതിയിൽ നൽകിയ പരാതിയിൽ പറയുന്നു.
‘രാജ്യത്തെ തിഞ്ഞെടുപ്പ് കമ്മീഷന്റെ പ്രതിഛായക്ക് ഇത് കളങ്കമുണ്ടാക്കി. തിരഞ്ഞെടുപ്പ് നടത്തുകയെന്ന ഭരണഘടനാപരമായ ഉത്തരവാദിത്വം മാത്രതമാണ് നിർവഹിച്ചത്’- പരാതിയിൽ പറയുന്നു.