മ​യൂ​റിന് 50,000 രൂ​പ പാരിതോഷികം പ്രഖ്യാപിച്ച് റെയിൽവേ മന്ത്രാലയം

റെ​യി​ല്‍​വേ ജ​ന​റ​ല്‍ മാ​നേ​ജ​ര്‍​ക്ക് എ​ഴു​തി​യ ക​ത്തി​ൽ പ്രി​ന്‍​സി​പ്പ​ല്‍ എ​ക്‌​സി​ക്യൂ​ട്ടീ​വ് ഓ​ഫ് റെ​യി​ല്‍​വേ ബോ​ര്‍​ഡാ​ണ് അ​റി​യി​ച്ച​ത്

0
42
Reading Time: < 1 minute

 

മും​ബൈ:

കാഴ്ചശക്തി കുറഞ്ഞ അ​മ്മ​യ്ക്കൊ​പ്പം ന​ട​ന്ന് പോ​ക​വെ റെ​യി​ൽ​വേ ട്രാ​ക്കി​ൽ വീ​ണ കു​ട്ടി​യെ ര​ക്ഷി​ച്ച മ​യൂ​ർ ഷെ​യ്ക്കെ​യ്ക്ക് പാ​രി​തോ​ഷി​കം പ്ര​ഖ്യാ​പി​ച്ച് റെ​യി​ൽ​വേ മ​ന്ത്രാ​ല​യം. ഷെ​യ്ക്കെ​യ്ക്ക് 50,000 രൂ​പ ന​ൽ​കു​മെ​ന്ന് സെ​ന്‍​ട്ര​ല്‍ റെ​യി​ല്‍​വേ ജ​ന​റ​ല്‍ മാ​നേ​ജ​ര്‍​ക്ക് എ​ഴു​തി​യ ക​ത്തി​ൽ പ്രി​ന്‍​സി​പ്പ​ല്‍ എ​ക്‌​സി​ക്യൂ​ട്ടീ​വ് ഓ​ഫ് റെ​യി​ല്‍​വേ ബോ​ര്‍​ഡാ​ണ് അ​റി​യി​ച്ച​ത്. 

മും​ബൈ​യി​ലെ വ​ങ്കാ​നി റെ​യി​ൽ​വേ സ്റ്റേ​ഷ​നി​ലാ​ണ് പതിനേഴാം തീയതി വൈകിട്ട്  ഈ സം​ഭ​വം നടന്നത്. ഈ സ്റ്റേഷനിലെ റെയിൽവേ പോയിന്റ്‌സ്മാനാണ് മയൂര്‍. കാഴ്ച ശക്തി കുറഞ്ഞ അ​മ്മ​യ്ക്കൊ​പ്പം സ്റ്റേ​ഷ​നി​ൽ റെയിൽവേ പ്ലാറ്റ്‌ഫോമിലൂടെ നടന്നുപോകുമ്പോൾ പെട്ടെന്ന് കുട്ടി കാൽതെറ്റി പാളത്തിലേക്ക് വീഴുകയായിരുന്നു. അപ്പോഴാണ് എതിര്‍ ദിശയില്‍ നിന്ന് ഒരു ട്രെയിന്‍ പാഞ്ഞടുക്കുന്നത് കണ്ട് റെയില്‍വെ ജീവനക്കാരന്‍ മ​യൂ​ർ ഷെ​യ്ക്കെ പാളത്തിലൂടെ ഓടിവന്ന് കുഞ്ഞിനെ പ്ലാറ്റ്ഫോമിലേക്ക് വലിച്ചു കയറ്റിയത്.

സം​ഭ​വ​ത്തി​ന്‍റെ വീ​ഡി​യോ റെ​യി​ൽ​വേ മ​ന്ത്രി സ​മൂ​ഹ​മാ​ധ്യ​മ​ങ്ങ​ളി​ൽ പ​ങ്കു​വ​ചതിനെത്തുടർന്ന് വലിയരീതിയിൽ ഷെയർചെയ്യപ്പെടുകയും മയൂരിന്റെ പ്രവർത്തി ചർച്ചാവിഷയമാവുകയും ചെയ്യുകയായിരുന്നു

ഞാ​ന്‍ കു​ട്ടി​യെ ര​ക്ഷി​ക്കാ​ൻ ഓ​ടു​മ്പോ​ഴും എ​ന്‍റെ ജീ​വ​നും അ​പ​ക​ട​ത്തി​ലാ​വു​മോ എ​ന്ന് ഞാ​നും ഒ​രു നി​മി​ഷം ചി​ന്തി​ച്ചി​രു​ന്നു. എ​ന്നാ​ലും അ​വ​നെ ര​ക്ഷി​ക്ക​ണ​മെ​ന്ന് ത​ന്നെ എ​നി​ക്ക്തോ​ന്നി. ആ ​കു​ഞ്ഞി​ന്‍റെ അ​മ്മ​യ്ക്ക് ക​ണ്ണി​ന് കാ​ഴ്ച​യി​ല്ലാ​യി​രു​ന്നു. അ​തി​നാ​ലാ​ണ് അ​വ​ര്‍​ക്കൊ​ന്നും ചെ​യ്യാ​ന്‍ ക​ഴി​യാ​തെ പോ​യ​ത് എന്ന് മ​യൂ​ർ മാധ്യമങ്ങളോട് പ​റ​ഞ്ഞു. 

വിഡിയോയിൽ കുട്ടി ട്രാക്കിലേക്ക് വീണത് മനസിലാക്കിയ അമ്മ നിസഹായായി നിലവിളിക്കുന്നത് കാണാം. കുട്ടിയെ രക്ഷപെടുത്തിയതിനുശേഷം സെക്കന്റുകളുടെ വ്യത്യാസത്തിൽ ട്രെയിൻ അതുവഴി കടന്നു പോകുന്നതും കാണാം. വീഡിയോ വൈറലായതോടെ മയൂര്‍ ഷെല്‍ക്കയുടെ ധീരമായ ഇടപെടലിന് വിവിധ കോണുകളിൽ നിന്നും അഭിനന്ദന പ്രവാഹമാണ്.

Advertisement