കുവൈറ്റ് സിറ്റി:
കുവൈത്തിൽ തടവുപുള്ളികൾക്ക് കൊവിഡ് പ്രതിരോധ കുത്തിവെപ്പ് ആരംഭിച്ചു. സെൻട്രൽ ജയിൽ, പബ്ലിക് ജയിൽ, വനിത ജയിൽ എന്നിവിടങ്ങളിലെ 4000 തടവുകാർക്ക് കൊവിഡ് വാക്സിൻ നൽകുന്ന കാമ്പയിന് കഴിഞ്ഞദിവസം തുടക്കമായി.ജയിൽ ആശുപത്രി അഡ്മിനിസ്ട്രേഷന്റെ മേൽനോട്ടത്തിലാണ് ആരോഗ്യ മന്ത്രാലയം കുത്തിവെപ്പ് നൽകുന്നത്.
ജയിൽപുള്ളികൾക്ക് കൊവിഡ് പ്രതിരോധ കുത്തിവെപ്പ് കാമ്പയിൻ നടത്തുന്ന ആദ്യത്തെ രാജ്യങ്ങളിലൊന്നാണ് കുവൈറ്റ്.