കണ്ണൂര്‍:
സംസ്ഥാനത്ത് വീണ്ടും കൊവിഡ് മരണം. കഴിഞ്ഞ ദിവസം മരിച്ച കണ്ണൂർ സ്വദേശിക്ക് കൊവിഡ് സ്ഥിരീകരിച്ചു. കരിയാട് സ്വദേശി സലീഖിന്‍റെ കൊവിഡ് പരിശോധന ഫലമാണ് പോസിറ്റീവായത്. ഇക്കഴിഞ്ഞ പതിമൂന്നാം തിയതിയാണ് സലീഖ് മരിച്ചത്. 24 വയസ്സായിരുന്നു. ഒന്നരമാസം മുമ്പ് അഹമ്മദാബാദിൽനിന്നെത്തി ക്വാറൻറീൻ കാലയളവിന് ശേഷവും വീട്ടിൽ നിരീക്ഷണത്തിൽ കഴിയവെയായിരുന്നു മരണം സംഭവിച്ചത്. ഇതോടെ സംസ്ഥാനത്ത് ഇതുവരെ കൊവിഡ് ബാധിച്ച് മരിച്ചവരുടെ എണ്ണം 35 ആയി.