ന്യൂഡല്‍ഹി:
ഇടഞ്ഞു നിൽക്കുന്ന രാജസ്ഥാൻ ഉപമുഖ്യമന്ത്രി സച്ചിൻ പൈലറ്റ് ബിജെപി ദേശീയ അധ്യക്ഷൻ ജെ.പി. നഡ്ഡയുമായി കൂടിക്കാഴ്ച നടത്തിയേക്കുമെന്നു റിപ്പോർട്ടുകൾ. തനിക്ക് 30 എംഎല്‍എമാരുടെ പിന്തുണയുണ്ടെന്നാണ് സച്ചിന്‍ പെെലറ്റ് വ്യക്തമാക്കുന്നത്. രാജസ്ഥാനിലെ അശോക് ഗെഹ്ലോട്ട് സർക്കാർ ന്യൂനപക്ഷമായെന്നും പൈലറ്റ് അവകാശപ്പെട്ടു.
സച്ചിൻ പൈലറ്റും അദ്ദേഹത്തോടൊപ്പമുള്ള എംഎൽഎമാരും ഞായറാഴ്ച രാത്രി മുഖ്യമന്ത്രി അശോക് ഗെലോട്ട് വിളിച്ചുചേർത്ത യോഗത്തിൽ പങ്കെടുത്തിരുന്നില്ല. ഇന്ന് ജയ്‌പുരിൽ ചേരുന്ന കോൺഗ്രസിന്റെ നിയമസഭാ കക്ഷി യോഗത്തിലും അവര്‍ വിട്ട് നില്‍ക്കും.