തൊടുപുഴ:
തൊടുപുഴയില്‍ കൊവിഡ് നിരീക്ഷണത്തിന് പുറമേയുള്ളവർക്കും ക്വാറന്റീൻ കേന്ദ്രത്തിൽ താമസസൗകര്യം ഒരുക്കി. ഈ ഗുരുതര സുരക്ഷാ വീഴ്ചയെ തുടര്‍ന്ന് ലോഡ്ജ് ഉടമയടക്കം മൂന്ന് പേർക്ക് എതിരെ പൊലീസ് കേസെടുത്തു. പതിനഞ്ചോളം പേർ കൊവിഡ് നിരീക്ഷണത്തിൽ കഴിയുന്ന തൊടുപുഴ ചുങ്കത്തെ വട്ടക്കളം ടൂറിസ്റ്റ് ഹോമിലായിരുന്നു കൊവിഡ് നിയമലംഘനം നടന്നത്. ആരോഗ്യവകുപ്പിനാണ് സുരക്ഷ വീഴ്ച സംബന്ധിച്ച് വളണ്ടിയർമാർ പരാതി നൽകിയത്. തുടർന്ന് ആരോഗ്യവകുപ്പ് പൊലീസിന് പരാതി കൈമാറുകയായിരുന്നു.