ന്യൂഡല്‍ഹി:
കുല്‍ഭൂഷണ്‍ ജാദവ് കേസില്‍ കേന്ദ്ര സര്‍ക്കാര്‍ അന്താരാഷ്ട്ര കോടതിയെ സമീപിക്കണമെന്ന് ആവശ്യപ്പെട്ട് കോണ്‍ഗ്രസ്. കേസില്‍ പാകിസ്ഥാനില്‍നിന്നും പ്രത്യേകിച്ചൊന്നും ഇനി പ്രതീക്ഷിക്കേണ്ടതില്ലെന്നും കോണ്‍ഗ്രസ് വക്താവ് മനു അഭിഷേക് സിംഗ്‌വി പറഞ്ഞു. ഇപ്പോള്‍ നാം കേന്ദ്രസര്‍ക്കാരില്‍ വിശ്വാസം അര്‍പ്പിച്ചേ മതിയാകൂ. കുല്‍ഭൂഷന്‍ ജാദവിന് നിയമപരമായ അവകാശങ്ങള്‍ ലഭിക്കുന്നുണ്ടെന്ന് ഉറപ്പുവരുത്താന്‍ സാധിക്കണമെന്നും അദ്ദേഹം പറഞ്ഞു.
പാക് സൈനികകോടതിയുടെ വധശിക്ഷാ വിധിക്കെതിരേ ഇസ്‌ലാമാബാദ് ഹൈക്കോടതിയില്‍ പുനഃപരിശോധനാ ഹര്‍ജി സമര്‍പ്പിക്കാന്‍ കുല്‍ഭൂഷന്‍ ജാദവ് വിസമ്മതിച്ചായുള്ള വാര്‍ത്തകള്‍ പുറത്തുവന്നതിനു പിന്നാലെയാണ് കോണ്‍ഗ്രസിന്‍റെ പ്രതികരണം.