വാഷിങ്ടണ്‍ ഡിസി:
കൊവിഡ് വ്യാപനവുമായിബന്ധപ്പെട്ട ആരോപണങ്ങള്‍ തുടരുന്നതിനിടെ ലോകാരോഗ്യ സംഘടനയിൽനിന്ന് ഔദ്യോഗികമായി പിൻമാറാൻ അമേരിക്കയുടെ തീരുമാനം. യു.എൻ സെക്രട്ടറി ജനറൽ അന്‍റോണിയോ ഗുട്ടറസിനെ അമേരിക്കയുടെ ഔദ്യോഗിക തീരുമാനം അറിയിച്ചു. അമേരിക്ക ലോകാരോഗ്യ സംഘടനയിൽനിന്ന് പിന്മാറാൻ നോട്ടീസ് നൽകിയ വിവരം യു.എൻ സെക്രട്ടറി ജനറലിൻെറ വക്താവ് സ്ഥിരീകരിച്ചു. പിൻമാറ്റം 2021 ജൂലൈ ആറിന് പ്രാബല്യത്തിൽ വരും.