വാഷിങ്ടൺ:
ക്ലാസുകൾ ഓൺലൈൻ സംവിധാനത്തിലേക്ക് മാറിയ സാഹചര്യത്തിൽ വിദേശ വിദ്യാർത്ഥികളെ ഒരു കാരണവശാലും ഇനി രാജ്യത്ത് തുടരാൻ അനുവദിക്കുകയില്ലെന്ന കടുത്ത നിലപാടുമായി അമേരിക്ക. കൊവിഡ് വ്യാപനം വർധിച്ച സാഹചര്യത്തിൽ യുഎസ് ഇമിഗ്രേഷൻ ആന്റ് കസ്റ്റം എൻഫോഴ്സ്മെന്റാണ് ഇക്കാര്യം അറിയിച്ചത്.
ഓൺലൈൻ ക്ലാസുകളിൽ എൻറോൾ ചെയ്ത എഫ്-1, എം-1 വിദ്യാർത്ഥികൾ രാജ്യത്ത് തുടരേണ്ടതില്ലെന്നും അടുത്ത അധ്യയനവർഷത്തെ പൂർണമായി നടത്തുന്ന ഓൺലൈൻ കോഴ്‌സുകളിലേക്ക് എൻറോൾ ചെയ്തിട്ടുള്ള വിദ്യാർത്ഥികളെ രാജ്യത്തേക്ക് പ്രവേശിപ്പിക്കില്ലെന്നും അധികൃതർ വ്യക്തമാക്കി.