മസ്കറ്റ്:
ഒമാനില് ഇന്ന് മാത്രം 348 പേര്ക്ക് കൊവിഡ് 19 സ്ഥിരീകരിച്ചതോടെ രാജ്യത്തെ മൊത്തം രോഗബാധിതരുടെ 8,118 ആയി. രോഗം ബാധിച്ചവരിൽ 177 പേരും വിദേശികളാണ്. രണ്ട് മലയാളികളടക്കം 37 പേര് ഇതുവരെ ഒമാനില് കൊവിഡ് ബാധിച്ച് മരണപ്പെട്ടു. എന്നാൽ രോഗം ഭേദമായവരുടെ എണ്ണം 1071 ആയി. ഇന്ന് സ്ഥിരീകരിച്ച രോഗികളിൽ 262 പേരും മസ്കറ്റ് ഗവര്ണറേറ്റില് നിന്നുള്ളവരാണ്, ഇതോടെ മസ്കറ്റ് ഗവര്ണറേറ്റില് മാത്രം കൊവിഡ് സ്ഥിരീകരിച്ചവര് 6171 ആയി.