ഹോക്കി ഇതിഹാസം ബ​ല്‍​ബീ​ര്‍ സിം​ഗ് സീനിയര്‍ അന്തരിച്ചു

ച​ണ്ഡീ​ഗ​ഡ്:

ഇന്ത്യയുടെ ഹോക്കി ഇതിഹാസം ബ​ല്‍​ബീ​ര്‍ സിം​ഗ് സീനിയര്‍ (95) അന്തരിച്ചു. വാർധക്യസഹജമായ അസുഖങ്ങളെ തുടർന്ന് ച​ണ്ഡീ​ഗ​ഡി​ലെ സ്വ​കാ​ര്യ ആ​ശു​പ​ത്രി​യിലാരുന്നു അന്ത്യം. കഴിഞ്ഞ രണ്ടാഴ്ചയായി വെന്റിലേറ്ററിന്റെ സഹായത്തോടെയാണ് അദ്ദേഹത്തിന്റെ ജീവൻ നിലനിർത്തിയിരുന്നത്.

ഒളിംപിക്സിൽ ഇന്ത്യയ്ക്കായി മൂന്ന് തവണ സ്വർണം നേടിയിട്ടുള്ള താരമാണ് ബ​ല്‍​ബീ​ര്‍ സിം​ഗ്. കൂടാതെ ഒ​ളി​മ്പി​ക്സ് പു​രു​ഷ ഹോ​ക്കി ഫൈ​ന​ലി​ൽ ഏ​റ്റ​വും കൂ​ടു​ത​ൽ ഗോ​ൾ നേ​ടി​യ താ​രം എന്ന ബഹുമതി കൂടിയുണ്ട് അദ്ദേഹത്തിന്. 1952 ഹെ​ൽ​സി​ങ്കി ഒ​ളിമ്പിക്സി​ൽ നെ​ത​ർ​ല​ൻ​ഡ്സി​നെ​തി​രായ മത്സരത്തിൽ അഞ്ച് ഗോളുകൾ അടിച്ച് ഇന്ത്യയെ വിജയത്തിലേക്ക് നയിച്ചത് ബ​ല്‍​ബീ​ര്‍ സിംഗായിരുന്നു.

അന്ന് ഇന്ത്യ 6-1നായിരുന്നു ജയിച്ചത്.  1948, 1956 ഒ​ളി​മ്പി​ക്സു​ക​ളി​ൽ സ്വ​ർ​ണം നേ​ടി​യ ടീ​മി​ലെ​യും നി​ർ​ണാ​യ​ക സാ​ന്നി​ധ്യ​മാ​യി​രു​ന്നു അദ്ദേഹം.  1958 ടോ​ക്കി​യോ ഏ​ഷ്യ​ൻ ഗെ​യിം​സി​ൽ വെ​ള്ളി മെ​ഡ​ലും അദ്ദേഹം സ്വന്തമാക്കിയിരുന്നു. 1975-ൽ ​ഹോ​ക്കി ലോ​ക​ക​പ്പ് നേ​ടി​യ ഇ​ന്ത്യ​ൻ ടീ​മി​ന്‍റെ പരിശീലകൻ കൂടിയായിരുന്നു ബ​ല്‍​ബീ​ര്‍. 1957 ൽ രാജ്യം അദ്ദേഹത്തിന്റെ പദ്മശ്രീ നൽകി ആദരിച്ചു.