തിരുവനന്തപുരം:
അന്തര്‍ സംസ്ഥാന തൊഴിലാളികള്‍ക്ക് റെയില്‍വേ സ്റ്റേഷനില്‍ എത്തിച്ചേരുന്നതിനായി കെഎസ്ആര്‍ടിസി പ്രത്യേക സര്‍വീസുകള്‍ നടത്തുന്നതിന് പണം വാങ്ങുന്നുവെന്ന് വ്യാജപ്രചരണം നടത്തുന്നതായി അധികൃതര്‍. യാത്രക്കാരില്‍ നിന്നും ഒരു രൂപ പോലും ഈടാക്കാതെയാണ് സര്‍വീസ് നടത്തുന്നതെന്ന് കെഎസ്ആര്‍ടിസി മാനേജിങ് ഡയറക്ടര്‍ എംപി ദിനേശ് അറിയിച്ചു.
കോവിഡ് കാലത്ത് സര്‍ക്കാര്‍ നിര്‍ദ്ദേശങ്ങള്‍ പാലിച്ച്‌ പ്രതിരോധ പ്രവര്‍ത്തനങ്ങളില്‍ ഏര്‍പ്പെട്ടിരിക്കുന്ന കെഎസ്ആര്‍ടിസിക്കെതിരെ സ്‌ഥാപിത താല്‍പര്യങ്ങള്‍ മുന്‍ നിര്‍ത്തി നവ മാധ്യമങ്ങളിലൂടെ നടത്തുന്ന അസത്യ പ്രചരണങ്ങള്‍ അര്‍ഹിക്കുന്ന അവജ്ഞയോടെ തള്ളിക്കളയണമെന്നും എംപി ദിനേശ് അറിയിച്ചു.