ന്യൂ ഡൽഹി:
ബഹറിനിലേക്കുള്ള കണ്ണൂര്‍, മംഗലാപുരം സര്‍വീസുകള്‍ എയര്‍ ഇന്ത്യ എക്സ്പ്രസ്സ് റദ്ദാക്കി. ബുധനാഴ്ച പുലര്‍ച്ച മൂന്ന് മുതല്‍ ബഹറിനിലേക്കുള്ള വിമാന സര്‍വിസുകള്‍ ചുരുക്കാനുള്ള സര്‍ക്കാര്‍ ഉത്തരവിന്റെ അടിസ്ഥാനത്തിലാണ് റദ്ദാക്കൽ. മാര്‍ച്ച്‌ 31 വരെ ചില വിമാനങ്ങള്‍ റദ്ദാക്കിയതായാണ് എയര്‍ ഇന്ത്യ അറിയിച്ചിരിക്കുന്നത്. എഎക്സ് 889 / 890 മംഗലാപുരം- ബഹറിൻ -മംഗലാപുരം സര്‍വീസും ഐഎക്സ് 789 / 790 കണ്ണൂര്‍- ബഹറിന്‍- കണ്ണൂര്‍ സര്‍വീസുമാണ് റദ്ദാക്കിയത്.