തിരുവനന്തപുരം:
സംസ്ഥാനത്ത് എന്പിആര് നടപ്പാക്കില്ലെന്ന് ആവര്ത്തിച്ച് മുഖ്യമന്ത്രി പിണറായി വിജയന്. സെന്സസും ജനസംഖ്യാ രജിസ്റ്ററും രണ്ടാണെന്നും സെന്സസ് പ്രവര്ത്തനം തുടരുമെന്നും അദ്ദേഹം അറിയിച്ചു.ദേശീയ ജനസംഖ്യ രജിസ്റ്ററുമായി ബന്ധപ്പെട്ട് ജനങ്ങളിലുണ്ടായ ആശങ്ക പരിഹാരിക്കാന് ഈ മാസം 16-ന് സര്ക്കാര് സര്വ്വകക്ഷിയോഗം വിളിച്ചിട്ടുണ്ടെന്നും മുഖ്യമന്ത്രി പറഞ്ഞു.സെന്സസിനെതിരെ അനാവശ്യ ഭീതികള് പരത്തുകയാണ്. ജനങ്ങളുടെ ആശങ്ക പരിഹരിക്കാന് സെന്സസിന് മുന്പ് ബോധവല്ക്കരണ പരിപാടികള് സംഘടിപ്പിക്കുമെന്നും മുഖ്യമന്ത്രി പറഞ്ഞു. അതേസമയം, സംസ്ഥാനത്ത് തടങ്കല് പാളയങ്ങള് സ്ഥാപിക്കുന്നതിന് നടപടിയൊന്നും എടുത്തിട്ടില്ലെന്നും മുഖ്യമന്ത്രി വ്യക്തമാക്കി.