ശ്രീലങ്ക:
വനിതാ ടി20 ലോകകപ്പില്‍ ബംഗ്ലാദേശിനെ തരിപ്പണമാക്കി ശ്രീലങ്ക. ഇരുപത്തിയേഴ് പന്തുകള്‍ ബാക്കിനില്‍ക്കെ ഒമ്പത് വിക്കറ്റിനാണ് ശ്രീലങ്കയുടെ വിജയം. ഇരു ടീമുകളും നേരത്തെ തന്നെ സെമി ഫൈനലില്‍ എത്താതെ പുറത്തായിരുന്നു. ബംഗ്ലാദേശ് 8 വിക്കറ്റ് നഷ്ടത്തില്‍ 91 റണ്‍സെടുത്തപ്പോള്‍ ശ്രീലങ്ക 15.3 ഓവറില്‍ ഒരു വിക്കറ്റ് നഷ്ടത്തില്‍ ലക്ഷ്യത്തിലെത്തി. ശ്രീലങ്കന്‍ വനിതാ ക്രിക്കറ്റ് ഇതിഹാസം ശശികല സിരിവര്‍ധനയുടെ അവസാന മത്സരം കൂടിയായിരുന്നു ഇത്. വിരമിക്കല്‍ മത്സരത്തില്‍ നാല് വിക്കറ്റ് സ്വന്തമാക്കാനും താരത്തിന് കഴിഞ്ഞു.