ശ്രീനഗര്‍:
തീവ്രവാദികള്‍ക്കൊപ്പം അറസ്റ്റിലായ ഡിഎസ്പി ദേവീന്ദര്‍ സിങ്ങിന് സമ്മാനിച്ച പൊലീസ് മെഡല്‍ അവാര്‍ഡ് തിരിച്ചെടുത്തു. ദേവീന്ദറിന് ജമ്മുകാശ്മീര്‍ പൊലീസ് നല്‍കിയ ഷേര്‍ -ഇ കാശ്മീര്‍ ഗാലന്‍ററി അവാര്‍ഡ് പിന്‍വലിച്ചു കൊണ്ട് കാശ്മീര്‍ ലഫ്. ഗവര്‍ണര്‍ ഉത്തരവ് പുറത്തിറക്കി. അറസ്റ്റിലായ ദേവീന്ദര്‍ സിങ്ങിനെ പിരിച്ചുവിടണമെന്ന് ആവശ്യപ്പെട്ട് ജമ്മുകാശ്മീര്‍പൊലീസ് ആഭ്യന്തരമന്ത്രാലയത്തിന് കത്തെഴുതിയിരുന്നു. ഇതേ തുടര്‍ന്നാണ് പൊലീസ് ഗാലന്‍ററി അവാര്‍ഡ് പിന്‍വലിച്ചിരിക്കുന്നത്. കാശ്മീര്‍ പൊലീസിന്‍റെ കത്തിലും ഉടന്‍ നടപടിയുണ്ടാകും.