സതാം‌പ്‌ടൺ:
ഐ.സി.സി. ക്രിക്കറ്റ് ലോകകപ്പ് മത്സരത്തിൽ ഇന്ന് (ബുധനാഴ്ച) ഇന്ത്യയുടെ ആദ്യമത്സരം നടക്കും. ദക്ഷിണാഫ്രിക്കയാണ് എതിരാളികൾ. ഇംഗ്ലണ്ടിലെ ന്യൂ ഹാംഷയറിലെ, സതാം‌പ്ടണിലെ റോസ് ബൌൾ ക്രിക്കറ്റ് ഗ്രൌണ്ടിലാണ് മത്സരം നടക്കുക.
ദക്ഷിണാഫ്രിക്കയുടെ മൂന്നാമത്തെ മത്സരം ആണ് ഇത്. ആദ്യത്തെ രണ്ടു മത്സരങ്ങളിലും അവർ ജയം നേടിയില്ല. ആദ്യമത്സരത്തിൽ ഇംഗ്ലണ്ടിനോടും, രണ്ടാമത്തെ മത്സരത്തിൽ ബംഗ്ലാദേശിനോടും, ദക്ഷിണാഫ്രിക്ക പരാജയപ്പെട്ടിരുന്നു.