ഗുവാഹത്തി:
തിരഞ്ഞെടുപ്പ് പ്രഖ്യാപനത്തിന് തൊട്ടുപിന്നാലെ അസമിൽ എൻഡിഎ സഖ്യത്തിൽ വിള്ളൽ. എൻഡിഎയിലെ പ്രമുഖ കക്ഷിയായിരുന്ന ബോഡോലാൻഡ് പീപ്പപ്പിൾസ് ഫ്രണ്ട് (ബിപിഎഫ്) കോൺഗ്രസിൽ ചേർന്നു. സമാധാനത്തിനും ഐക്യത്തിനും വികസനത്തിനും ബിപിഎഫ് വരുന്ന നിയമസഭ തിരഞ്ഞെടുപ്പിൽ മഹാജത്ത് സഖ്യത്തിനൊപ്പം കൈകോർക്കും.
ഇനിമുതൽ ബിജെപിയുമായി യാതൊരു സൗഹൃദമോ സഖ്യമോ ഉണ്ടാകില്ല,പിഎഫ് പ്രസിഡന്‍റ് ഹഗ്രാമ മൊഹിലാരി പറഞ്ഞു. 2016ലെ തിരഞ്ഞെടുപ്പിൽ12 സീറ്റുകൾ ബിപിഎഫ് നേടിയിരുന്നു. അസം സർക്കാറിൽ മൂന്ന് മന്ത്രിമാരാണ്
ബിപിഎഫിനുണ്ടായിരുന്നത്.
അതേസമയം ബിപിഎഫിന്‍റെ നീക്കത്തെ സ്വാഗതം ചെയ്ത് അസംകോൺഗ്രസ് രംഗത്തെത്തി.വരുന്ന തിരഞ്ഞെടുപ്പിൽ കോൺഗ്രസ് നേതൃത്വത്തിലുള്ള സഖ്യവും ബിപിഎഫും ചേർന്ന് സംസ്ഥാനത്ത് ബിജെപിയെ പരാജയപ്പെടുത്തുമെന്ന് അവർ കൂട്ടിച്ചേർത്തു.