ചെന്നെെ:
ബിജെപിയിൽ ചേർന്ന മെട്രോമാൻ ഇ ശ്രീധരനെ പലരും പരിഹസിച്ചിരുന്നു. ബിജെപിയില്‍ ചേര്‍ന്നത് തെറ്റായി പോയെന്നും പല നേതാക്കളും പറഞ്ഞിരുന്നു. ഇപ്പോള്‍ ഒടുവില്‍ അദ്ദേഹത്തെ പരിഹസിച്ച് രംഗത്തെത്തിയിരിക്കുകയാണ് നടനും സംഘ്പരിവാർ വിമർശകനുമായ സിദ്ധാർഥ്.
താൻ ഇ ശ്രീധരന്‍റെ വലിയ ആരാധകൻ ആണെന്നും അദ്ദേഹം ബിജെപിയിൽ ചേർന്നത് അല്പം നേരത്തെ ആയി പോയെന്നും സിദ്ധാർഥ് ട്വീറ്റ് ചെയ്തു. 88 വയസല്ലേ ആയിട്ടുള്ളൂ. 10-15 വർഷം കൂടി കാത്തിരിക്കാമായിരുന്നവെന്ന് സിദ്ധാര്‍ഥ് ഇ ശ്രീധരനെ പരിഹസിച്ചത്.
Big fan of E. Sreedharan sir and his service to our country as a technocrat. So excited he has joined the BJP and wants to be the next CM of Kerala. I’m just apprehensive that it might be a little premature. He could have waited 10-15 years IMHO. He’s only 88 after all.
— Siddharth (@Actor_Siddharth) February 21, 2021
എന്നാല്‍, ശ്രീധരന്‍റെ പ്രായം പറഞ്ഞ് ട്രോളിയതിന് നിരവധി ബിജെപി പ്രവര്‍ത്തകരാണ് വിമര്‍ശനവുമായി രംഗത്തെത്തുന്നത്. മലയാളത്തിലുള്‍പ്പെടെയാണ് അദ്ദേഹത്തിന്‍റെ ട്വീറ്റിന് താഴെ വിമര്‍ശനം ഉന്നയിക്കുന്നത്. എന്നാല്‍, സിദ്ധാര്‍ത്ഥിനെ വിമര്‍ശിക്കുന്ന മലയാളികളെ വിമര്‍ശിച്ചും നടനെ പിന്തുണച്ചും ബിജെപി വിരുദ്ധരും പ്രതിരോധം തീര്‍ക്കുന്നുണ്ട്.
https://www.youtube.com/watch?v=jqFaQ79fTFQ