ഗുവാഹത്തി:
തിരഞ്ഞെടുപ്പിന് മുമ്പ് പെട്രോൾ-ഡീസൽ വില അഞ്ച് രൂപ കുറച്ച് അസം സർക്കാർ.മദ്യത്തിന്റെ നികുതിയിൽ25ശതമാനവും കുറവ് വരുത്തി. ഇന്ന് അർദ്ധരാത്രി മുതൽ ഇളവ് നിലവിൽ വരും.രാജ്യത്ത് ഇന്ധനവില റോക്കറ്റ് പോലെ കുതിക്കുന്ന സാഹചര്യത്തിലാണ് സർക്കാറിന്‍റെ നടപടി.വെള്ളിയാഴ്ച അസം ധനമന്ത്രി ഹിമന്ത് ബിശ്വാസ് ശർമ്മ അവതരിപ്പിച്ച വോട്ട്ഓൺ അക്കൗണ്ടിലാണ് ഇതു സംബന്ധിച്ച നിർണ്ണായക പ്രഖ്യാപനമുണ്ടായത്.
അതേസമയം, രാജ്യത്ത് ഇന്ധനവില അനുദിനം വർദ്ധിക്കുകയാണ്. കേരളമടക്കം പല
സംസ്ഥാനങ്ങളിലും പെട്രോൾ വില ലിറ്ററിന് 90 രൂപ കഴിഞ്ഞിട്ടുണ്ട്.