ചെന്നൈ:
ഇംഗ്ലണ്ടിനെതിരെ അഞ്ചാംദിനം റെക്കോഡ് റൺചേസ് തേടിയിറങ്ങിയ ഇന്ത്യക്ക് 227 റൺസിന്‍റെ കനത്ത തോൽവി. വിജയത്തിനായി ബാറ്റ് ചെയ്യണമോ സമനിലക്കായി കളിക്കണമോയെന്ന ഗെയിം പ്ലാൻ ഇല്ലാതെയെത്തിയ ഇന്ത്യൻ ബാറ്റിങ് നിര ഇംഗ്ലീഷുകാർക്ക് മുമ്പിൽ കവാത്ത് മറന്നു. ഇന്ത്യയെ 192 റൺസിന് പുറത്താക്കിയ ഇംഗ്ലണ്ട് വമ്പൻ വിജയത്തോടെ പര്യടനം ആഘോഷമാക്കിത്തുടങ്ങി.
നാലുവിക്കറ്റ് വീതമെടുത്ത വെറ്ററൻ പേസ് ബൗളർ ജെയിംസ് ആൻഡേഴ്സണും സ്പിന്നർ ജാക്ക് ലീഷുമാണ് ഇന്ത്യയെ എറിഞ്ഞിട്ടത്. 50 റൺസെടുത്ത ശുഭ്മാൻ ഗില്ലും 72 റൺസെടുത്ത വിരാട് കോഹ്ലിയുമാണ് ഇന്ത്യൻനിരയിൽ ചെറുത്തുനിന്നത്.