വയനാട്:
വയനാട്ടിലെ വാളാടില്‍ 51 പേര്‍ക്ക് കൂടി കൊവിഡ് സ്ഥിരീകരിച്ചു. ആന്‍റിജന്‍ പരിശോധനയിലാണ് ഇത്രയധികം പേര്‍ക്ക് രോഗം കണ്ടെത്തിയത്. ഇന്നലെ 89 പേര്‍ക്ക് ഈ പ്രദേശത്ത് രോഗം സ്ഥിരീകരിച്ചിരുന്നു. തവിഞ്ഞാൽ പഞ്ചായത്തിലെ വാളാട് തുടർച്ചയായി മൂന്നാം ദിവസമാണ് രോഗികളുടെ എണ്ണം ക്രമാതീതമായി ഉയരുന്നത്. തിവിഞ്ഞാലിന് പുറമെ തൊണ്ടര്‍നാട്, എടവക പഞ്ചായത്തുകളും മാനന്തവാടി നഗരസഭയും പൂര്‍ണമായി കണ്ടെയ്ന്‍‌മെന്റ് സോണുകളാണ്. തവിഞ്ഞാല്‍ പഞ്ചായത്തിലാണ് ഏറ്റവും കൂടുതല്‍ സമ്പര്‍ക്ക രോഗികളുള്ളത്.