തിരുവനന്തപുരം:
തിരുവനന്തപുരത്ത് ‘കീം’ പരീക്ഷ എഴുതിയ അ‍ഞ്ചല്‍ സ്വദേശിനിക്ക് കൊവിഡ് സ്ഥിരീകരിച്ചു. കൈമനം മന്നം മെമ്മോറിയല്‍ സ്കൂളിലാണ് പരീക്ഷ എഴുതിയത്. വിദ്യാര്‍ത്ഥിനി 19-ാം തീയ്യതി മുതല്‍ ചികിത്സയിലായിരുന്നു. വിശദാംശങ്ങള്‍ ഇതുവരെ പുറത്തുവിട്ടിട്ടില്ല. വിദ്യാര്‍ത്ഥിനിക്കൊപ്പം കാറില്‍ യാത്ര ചെയ്ത അമ്മയ്ക്കും ബന്ധുവിനും രോഗബാധയില്ല.
വിവരങ്ങള്‍ ശേഖരിച്ച് വരികയാണെന്ന് ജില്ലാ ഭരണകൂടവും ആരോഗ്യ വകുപ്പും അറിയിച്ചു. ഇന്നലെ തിരുവനന്തപുരത്തും കോഴിക്കോടുമായി പരീക്ഷയെഴുതിയ മൂന്ന് വിദ്യാർത്ഥികള്‍ക്കും രക്ഷിതാവിനും കൊവിഡ് സ്ഥിരീകരിച്ചിരുന്നു.