പാല:
ശബരിമല വിമാനത്താവള പദ്ധതിക്ക് സർക്കാർ ഏറ്റെടുക്കാൻ തീരുമാനിച്ച ചെറുവള്ളി എസ്റ്റേറ്റിന്‍റെ ഉടമസ്ഥാവകാശവുമായി ബന്ധപ്പെട്ട് കോട്ടയം ജില്ല ഭരണകൂടം നൽകിയ കേസ് ഈ മാസം 21ന് പാലാ കോടതി പരിഗണിക്കും. കേസ് പരിഗണിക്കുമ്പോള്‍ കൂടുതൽ പേർക്ക് കക്ഷിചേരാമെന്ന് നിയമവകുപ്പ് അറിയിപ്പ് പ്രസിദ്ധീകരിച്ചു. കക്ഷിചേരാൻ താൽപര്യമുള്ളവർ 21ന് രാവിലെ 11ന് നേരിട്ടോ അധികാരപ്പെടുത്തിയ ആൾ മുഖേനയോ കോടതിയിൽ ഹാജരായി തർക്കം ബോധിപ്പിക്കണം.