മുംബൈ:
മെഗാസ്റ്റാര്‍ അമിതാഭ് ബച്ചന്‍ ട്വിറ്ററില്‍ മഞ്ഞ വിൻറ്റെജ് ഫോര്‍ഡ് കാറിനരികെ നില്‍ക്കുന്ന ഒരു ചിത്രം പങ്കുവെച്ചിരിക്കുകയാണ്. ”ചില സമയങ്ങളില്‍ നിങ്ങള്‍ക്ക് സംസാരിക്കാന്‍ കഴിയാതെ വരും, ഞാന്‍ ഇപ്പോള്‍ അങ്ങനെയാണ്. അവ പ്രകടമാക്കാന്‍ ശ്രമിക്കുന്നുണ്ട്. എന്നാല്‍ ഒന്നും പുറത്തുവരുന്നില്ല” എന്നു തുടങ്ങുന്ന കുറിപ്പോടുകൂടിയാണ് ചിത്രം പങ്കുവെച്ചിരിക്കുന്നത്. ബച്ചൻ കുടുംബത്തിൽ ആദ്യമായി വാങ്ങിയ കാർ ബച്ചനായി സമ്മാനിച്ചിരിക്കുകയാണ് സുഹൃത്ത്. പഴയ വണ്ടിയുടെ നമ്പറായ 2882 തന്നെ സമ്മാനമായി നല്‍കിയ പുതിയ കാറിനും സുഹൃത്ത് സംഘടിപ്പിച്ചു. നിമിഷങ്ങള്‍ക്കകമാണ് താരത്തിന്റെ കുറിപ്പും ചിത്രവും ആരാധകര്‍ ഏറ്റെടുത്തത്.