എറണാകുളം:
കൊറോണ പ്രതിരോധത്തിന്റെ ഭാഗമായി ജില്ലയിൽ നിരീക്ഷണം ശക്തമാക്കി. പുതിയതായി ഒമ്പത് പേരെകൂടി നിരീക്ഷണത്തില്‍ ഉള്‍പ്പെടുത്തി. നിലവിൽ ജില്ലയിൽ 143 പേരാണ് വീടുകളിൽ നിരീക്ഷണത്തിൽ ഉള്ളത്. കളമശ്ശേരി മെഡിക്കൽ കോളേജിലെ ഐസൊലേഷൻ വാർഡിൽ 4 പേർ നിരീക്ഷണത്തിൽ ഉണ്ട്. അതേസമയം, 13 പേരെ പട്ടികയിൽനിന്ന് ഒഴിവാക്കി. ആലപ്പുഴ എൻഐവി യിലേക്ക് ഇന്ന് 7 സാമ്പിളുകളാണ് പരിശോധനയ്ക്കായി അയച്ചത്. ലക്ഷണങ്ങളെക്കുറിച്ച് അറിയാനും ഓസ്ട്രേലിയ, മലേഷ്യ, സൗത്ത് കൊറിയ എന്നിവിടങ്ങളിൽനിന്ന് എത്തിയാൽ നിരീക്ഷണത്തിൽ കഴിയേണ്ടിവരുമോ എന്നറിയാനും 37 കോളുകളാണ് കൺട്രോൾ റൂമിലെത്തിയതെന്ന് അധികൃതര്‍ അറിയിച്ചു. പ്രതിരോധ പ്രവർത്തനങ്ങളുടെ ഭാഗമായുള്ള ബോധവൽക്കരണ ക്ലാസുകൾ നടന്നു വരികയാണ്.