മുംബൈ:
ഐപിഎൽ പതിമൂന്നാം സീസണ് മുന്നോടിയായി നടത്താനിരുന്ന ഓൾ സ്റ്റാർസ് മത്സരം ഉപേക്ഷിച്ചതായി മുംബൈ മിററിന്റെ റിപ്പോർട്ട്. മുന്‍നിശ്ചയപ്രകാരം 26ന് ഓള്‍ സ്റ്റാര്‍ പോരാട്ടം നടക്കാനിടയില്ലെന്ന് ഫ്രാഞ്ചൈസികളെ അനൗദ്യോഗികമായി അറിയിച്ചിരുന്നതായാണ് റിപ്പോർട്ടിൽ പറയുന്നത്.
പ്രമോഷൻ സമയത്ത് താരങ്ങളെ മത്സരത്തിനയക്കുന്നത് ശരിയാവില്ല എന്ന് ക്ലബ് ഉടമകൾ മുൻപ് തന്നെ വ്യക്തമാക്കിയിരുന്നു. ഐപിഎല്ലിന്റെ മത്സരക്രമം കഴിഞ്ഞ ആഴ്ച ബിസിസിഐ പുറത്തുവിട്ടിരുന്നെങ്കിലും ഓൾ സ്റ്റാർസ് മത്സരത്തെ കുറിച്ച് രേഖപ്പെടുത്തിയിരുന്നില്ല.