Reading Time: < 1 minute
ജാം​ന​ഗ​ർ:

ബി.ജെ.പി യുടെ കണ്ണിലെ കരടായ പു​റ​ത്താ​ക്ക​പ്പെ​ട്ട ഗു​ജ​റാ​ത്ത് കേ​ഡ​ർ ഐ.​പി​.എ​സ് ഉ​ദ്യോ​ഗ​സ്ഥ​ൻ സ​ഞ്ജീ​വ് ഭ​ട്ടി​ന് എതിരെയുള്ള ഭരണകൂടത്തിന്റെ പ്രതികാര നടപടികൾ തുടരുന്നു. 30 വ​ർ​ഷം പ​ഴ​ക്ക​മു​ള്ള ക​സ്റ്റ​ഡി മ​ര​ണ​ക്കേ​സ് കുത്തിപൊക്കിയെടുത്തു അദ്ദേഹത്തിന് ശിക്ഷ വാങ്ങി കൊടുത്തിരിക്കുകയാണ് ഗുജറാത്ത് സർക്കാർ. ഗു​ജ​റാ​ത്തി​ലെ ജാം​ന​ഗ​ർ സെ​ഷ​ൻ​സ് കോ​ട​തി​യാണ് ഈ കേസിൽ ജീ​വ​പ​ര്യ​ന്തം ത​ട​വു​ശി​ക്ഷ വിധിച്ചിട്ടുള്ളത്. 1990-ൽ ​ന​ട​ന്ന ക​സ്റ്റ​ഡി മ​ര​ണ​വു​മാ​യി ബ​ന്ധ​പ്പെ​ട്ടു 302-ാം വ​കു​പ്പ് പ്ര​കാ​ര​മാ​ണ് ശി​ക്ഷ.

1990 ന​വം​ബ​റി​ലാ​ണ് കേ​സി​നാ​സ്പ​ദ​മാ​യ സം​ഭ​വം ന​ട​ന്ന​ത്. ജം​ജോ​ധ്പൂ​ർ പ​ട്ട​ണ​ത്തി​ൽ ന​ട​ന്ന ഒ​രു ക​ലാ​പ​വു​മാ​യി ബ​ന്ധ​പ്പെ​ട്ട് ക​സ്റ്റ​ഡി​യി​ലെ​ടു​ത്ത നൂ​റി​ലേ​റെ പേ​രി​ൽ ഒ​രാ​ളാ​യ പ്ര​ഭു​ദാ​സ് മാ​ധ​വ്ജി വൈ​ഷ്ണാ​നി പോ​ലീ​സ് ക​സ്റ്റ​ഡി​യി​ൽ കൊ​ല്ല​പ്പെ​ട്ടു​വെ​ന്നാ​ണ് കേ​സ്. അ​ന്ന് ജാം​ന​ഗ​ർ ജി​ല്ലാ അ​സി. പോ​ലീ​സ് സൂ​പ്ര​ണ്ടാ​യി​രു​ന്നു സ​ഞ്ജീ​വ് ഭ​ട്ട്.

1996-ലാ​ണ് സ​ഞ്ജീ​വ് ഭ​ട്ടി​നെ കേ​സി​ൽ പ്ര​തി ചേ​ർ​ക്കു​ന്ന​ത്. കേ​സി​ൽ സ​ഞ്ജീ​വ് ഭ​ട്ടി​ന് സു​പ്രീം​കോ​ട​തി ജാ​മ്യം നി​ഷേ​ധി​ച്ചി​രു​ന്നു. കേ​സി​ൽ 11 സാ​ക്ഷി​ക​ളെ​ക്കൂ​ടി പു​തു​താ​യി വി​സ്ത​രി​ക്ക​ണ​മെ​ന്നാ​വ​ശ്യ​പ്പെ​ട്ട് സ​ഞ്ജീ​വ് ഭ​ട്ട് ന​ൽ​കി​യ അ​പേ​ക്ഷ ക​ഴി​ഞ്ഞാ​ഴ്ച സു​പ്രീം​കോ​ട​തി ത​ള്ളി​യി​രു​ന്നു.

ഗു​ജ​റാ​ത്ത് ക​ലാ​പ​ത്തി​ന്‍റെ പേ​രി​ൽ അ​ന്ന​ത്തെ മു​ഖ്യ​മ​ന്ത്രി ന​രേ​ന്ദ്ര​മോ​ദി​യെ നി​ശി​ത​മാ​യി വി​മ​ർ​ശി​ച്ചു ശ്ര​ദ്ധ​നേ​ടി​യ ഉ​ദ്യോ​ഗ​സ്ഥ​നാ​ണ് സ​ഞ്ജീ​വ് ഭ​ട്ട്. ജോ​ലി​യി​ൽ നി​ന്ന് അ​ന​ധി​കൃ​ത​മാ​യി വി​ട്ടു​നി​ന്നു​വെ​ന്ന കു​റ്റം ആ​രോ​പി​ച്ച് 2015 ഓ​ഗ​സ്റ്റി​ൽ ഭ​ട്ടി​നെ കേ​ന്ദ്ര ആ​ഭ്യ​ന്ത​ര​മ​ന്ത്രാ​ല​യം സ​ർ​വീ​സി​ൽ നി​ന്ന് പി​രി​ച്ചു​വി​ട്ടി​രു​ന്നു.

Advertisement

Leave a Reply

avatar
  Subscribe  
Notify of