സൈബർ ക്രൈം കു​റ്റ​വാ​ളി​ക​ളെ​ വലയിലാക്കാൻ ദുബായ് – കേരള പോലീസുകൾ കൈകോർക്കുന്നു

ദുബായ്:

ലോ​ക രാ​ജ്യ​ങ്ങ​ള്‍ ഇ​ന്ന് ഏ​റ്റ​വും കൂ​ടു​ത​ല്‍ ഭീ​ഷ​ണി നേ​രി​ടു​ന്ന വിഷയമാണ് സൈ​ബ​ര്‍ സെ​ക്യൂ​രി​റ്റി. ഇ​തി​ല്‍​ത​ന്നെ ഗ​ള്‍​ഫ് രാ​ജ്യ​ങ്ങ​ള്‍ കേ​ന്ദ്രീ​ക​രി​ച്ചാ​ണ്, ഇ​ന്ന് ഏ​റ്റ​വു​മ​ധി​കം സോ​ഷ്യ​ല്‍ മീ​ഡി​യ കു​റ്റ​കൃ​ത്യ​ങ്ങ​ള്‍ ന​ട​ക്കു​ന്ന​ത്. കേരളത്തിൽ റിപ്പോർട്ടു ചെയ്യുന്ന മിക്ക സൈബർ ക്രൈമുകളുടെയും ഉറവിടം ഗൾഫ് നാടുകളാണ്. ഇതുമൂലം മിക്കവാറും കേസുകളിൽ, കുറ്റവാളികളെ പിടികൂടാനോ ആരാണെന്നു മനസ്സിലാക്കാനോ പോലും കേരള പൊലീസിന് സാധിക്കാറില്ല. പോലീസിന്റെ ഈ നിസ്സഹായാവസ്ഥ മുതലെടുത്തു സൈബർ കുറ്റവാളികൾ ഗൾഫ് നാടുകളിൽ വിലസുകയാണ്. എന്നാൽ അതിനൊരു പരിഹാരം ഉണ്ടാകുമെന്ന പ്രതീക്ഷയിലാണ്, കേരള പോലീസും ദുബായി പോലീസും, കുറ്റവാളികളുടെ വിവരങ്ങൾ പരസ്പരം കൈമാറാം എന്ന ധാരണയിൽ എത്തിയതിലൂടെ.

കേ​ര​ള​ത്തി​ലെ സൈ​ബ​ര്‍ ഡോ​മി​ന്റെ പ്ര​വ​ര്‍​ത്ത​ന​ങ്ങ​ളെക്കു​റിച്ചു പ​ഠി​ക്കാ​ന്‍ സൈ​ബ​ര്‍ ഡോം ​ആ​സ്ഥാ​ന​ത്ത് എത്തിയ ദു​ബാ​യ് പോ​ലീ​സ് ബ്രി​ഗേ​ഡി​യ​ര്‍ ഖാ​ലി​ദ് അ​ല്‍ റ​സൂ​ഖി​യുടെ സന്ദർശനമാണ്, ദുബായി-കേരള പോലീസുകൾ തമ്മിലുള്ള സഹകരണത്തിന് കാരണമായത്. സൈ​ബ​ര്‍ ക്രൈം ​കു​റ്റാ​ന്വേ​ഷ​ണം തു​ട​ങ്ങി​യ​വ​യി​ല്‍ സൈ​ബ​ര്‍ ഡോ​മു​മാ​യി സ​ഹ​ക​രി​ക്കാ​നു​ള്ള സ​ന്ന​ദ്ധ​ത, ദു​ബാ​യ് പോ​ലീ​സ് സൈ​ബ​ര്‍ ഡോം ​മേ​ധാ​വി അ​റി​യി​ച്ച​താ​യി സൈ​ബ​ര്‍ ഡോ​മി​ന്റെ ചു​മ​ത​ല​യു​ള്ള എ​.ഡി.​ജി.​പി മ​നോ​ജ് ഏ​ബ്ര​ഹാം അ​റി​യി​ച്ചു. സൈ​ബ​ര്‍ ഡോ​മി​ന്റെ വി​വി​ധ വി​ഭാ​ഗ​ങ്ങ​ളു​ടെ പ്ര​വ​ര്‍​ത്ത​ന​ങ്ങ​ള്‍ സൈ​ബ​ര്‍ ഡോം ​മേ​ധാ​വി മ​നോ​ജ് എ​ബ്ര​ഹാം ഇ​വ​ര്‍​ക്ക് വി​വ​രി​ച്ചു ന​ല്‍​കി. തു​ട​ര്‍​ന്നാ​ണ് സൈ​ബ​ര്‍ സു​ര​ക്ഷ, ആ​ര്‍​ട്ടി​ഫി​ഷ്യ​ല്‍ ഇന്റ​ലി​ജ​ന്‍​സ്, സൈ​ബ​ര്‍ ക്രൈം ​സോ​ഫ്റ്റ് വെ​യ​ര്‍ ഡെ​വ​ല​പ്പ്മെ​ന്റ് എ​ന്നി​വ​യി​ല്‍ കേ​ര​ള പോ​ലീ​സിന്റെ സ​ഹ​ക​ര​ണം ദു​ബാ​യ് പോ​ലീ​സ് ആ​വ​ശ്യ​പ്പെ​ട്ട​ത്. കേരള മാതൃകയിൽ ഒരു സൈബർ ഡോം, ദുബായിയിൽ ആരംഭിക്കുന്നതിനുള്ള തയ്യാറെടുപ്പിലാണ് ദുബായ് ഭരണകൂടം.