കൊളംബിയൻ, ബ്രസീൽ അതിർത്തികൾ അടച്ചു: വെനിസ്വലയിൽ സംഘർഷം

വെനിസ്വല:

അമേരിക്കൻ മ​ധ്യ​സ്​​ഥ​ത​യി​ലു​ള്ള അ​ന്താ​രാ​ഷ്​​ട്ര സ​ഹാ​യം വെ​നി​സ്വല​യി​ലെ​ത്തു​ന്ന​തു​ ത​ട​യാ​ൻ, വെനിസ്വലയുടെ പ്രസിഡന്റ് നിക്കോളാസ് മദുറോ കൊളംബിയൻ അതിർത്തി അടപ്പിച്ചു. കഴിഞ്ഞ ദിവസം ഇതേ കാരണത്താൽ ബ്രസീൽ അതിർത്തിയും അടച്ചിരുന്നു. കരീബിയന്‍ ദ്വീപായ അറൂബ, കരാക്കുവ, ബൊനൈറ എന്നിവയുമായുള്ള തീരദേശ അതിര്‍ത്തികള്‍ വെനസ്വല നേരത്തെ അടച്ചിരുന്നു.

അ​തി​ർ​ത്തി അ​ടയ്ക്കു​ന്ന​തി​നെ​തി​രെ പ്ര​തി​ഷേ​ധി​ച്ച​വ​ർ​ക്കു നേരെയുണ്ടായ പൊ​ലീ​സ്​ വെ​ടി​വെപ്പിൽ രണ്ടു പേർ കൊല്ലപ്പെടുകയും ഏഴു പേർക്ക് പരിക്കേൽക്കുകയും ചെയ്തു. അ​തി​ർ​ത്തി അ​ടയ്ക്കാ​നെ​ത്തി​യ സൈ​ന്യ​ത്തെ പ്ര​തി​ഷേ​ധ​ക്കാ​ർ ത​ട​യാ​ൻ ശ്ര​മി​ച്ച​താ​ണ്​ സം​ഘ​ർ​ഷ​ത്തി​ൽ ക​ലാ​ശി​ച്ച​ത്. പ്ര​ക്ഷോ​ഭ​ക​രെ മാ​ര​ക​മാ​യി അ​ടി​ച്ച​മ​ർ​ത്തു​ന്ന​തി​നെ​തി​രെ യു.​എ​ൻ സെ​ക്ര​ട്ട​റി ജ​ന​റ​ൽ അന്റോണിയോ ഗുട്ടെറസ് ​രം​ഗ​ത്തു​വ​ന്നി​രു​ന്നു.

900 കിലോമീറ്റർ അകലെയുള്ള കൊളംബിയൻ അതിർത്തിയിൽ യു.എസ് എത്തിച്ച ദുരിതാശ്വാസ സഹായം ഏറ്റുവാങ്ങാൻ, ഇടക്കാല പ്രസിഡന്റായി കഴിഞ്ഞ മാസം സ്വയം പ്രഖ്യാപിച്ച യുവാൻ ഗ്വീഡോയുടെ നേതൃത്വത്തിലുള്ള വാഹനവ്യൂഹം സൈനികവിലക്കു വകവയ്ക്കാതെ പുറപ്പെട്ടിരുന്നു. സഹായം എത്തിയില്ലെങ്കിൽ 3 ലക്ഷം പേർ മരിക്കുമെന്നാണ് ഗ്വീഡോ ചൂണ്ടിക്കാട്ടുന്നത്.

ഗ്വീഡോയുടെ ശ്രമം യുഎസ് സൈനിക ഇടപെടൽ വിളിച്ചുവരുത്താനാണെന്ന് മഡുറോ കുറ്റപ്പെടുത്തി. വിദേശസഹായം അഭ്യർത്ഥിക്കേണ്ട സാഹചര്യം രാജ്യത്ത് ഇപ്പോഴില്ലെന്നും, അവശ്യം വേണ്ട മരുന്നുകൾ റഷ്യയിൽനിന്ന് എത്തിക്കുമെന്നും അദ്ദേഹം പറയുന്നു. അ​തേ​സ​മ​യം, വെ​ന​സ്വ​ല​യി​ലേ​ക്ക് നി​ര്‍ബ​ന്ധി​ച്ച് സ​ഹാ​യം എ​ത്തി​ക്കേ​ണ്ട ആ​വ​ശ്യ​മി​ല്ലെ​ന്ന് മ​ദു​റോ​യെ പി​ന്തു​ണ​ക്കു​ന്ന ചൈ​ന​യും പ്ര​തി​ക​രി​ച്ചു.

മ​രു​ന്നും ഭ​ക്ഷ്യ​വ​സ്​​തു​ക്ക​ളു​മു​ൾ​പ്പെ​ടെ 200 ട​ൺ സാ​ധ​ന​ങ്ങ​ൾ അ​തി​ർ​ത്തി​യി​ൽ കെ​ട്ടി​ക്കി​ടക്കുകയാണെന്നും,
കര അതിര്‍ത്തികള്‍ തടഞ്ഞെങ്കിലും, വ്യോമ മാര്‍ഗത്തിലൂടെ സഹായങ്ങള്‍ നല്‍കുമെന്നും ബ്രസീലിയന്‍ സര്‍ക്കാര്‍ അറിയിച്ചു. വെനസ്വലയിലേക്ക് അതിക്രമിച്ച് കയറില്ലെന്നും ബ്രസീല്‍ വൈസ് പ്രസിഡന്റ് ഹാമില്‍ട്ടണ്‍ മൗറിയോ പറഞ്ഞു.

അ​തി​നി​ടെ, പ്ര​സി​ഡന്റി​നെ അ​നു​കൂ​ലി​ച്ചും, പ്ര​തി​കൂ​ലി​ച്ചും ക​ഴി​ഞ്ഞ​ദി​വ​സം ര​ണ്ട് സം​ഗീ​ത നി​ശ​ക​ള്‍ ന​ട​ന്നു. പ്ര​തി​പ​ക്ഷ നേ​താ​വ് വാ​ൻ ഗൊ​യ്ദോ​യെ അ​നു​കൂ​ലി​ക്കു​ന്ന പ​രി​പാ​ടി ന​ട​ന്ന​ത് കൊ​ളം​ബി​യ​ന്‍ അ​തി​ർ​ത്തി​യി​ലാ​യി​രു​ന്നു. ബ്രി​ട്ടീ​ഷ് വ്യ​വ​സാ​യി സ​ര്‍ റി​ച്ചാ​ര്‍ഡ് ബ്രാ​ന്‍സ​ണാ​ണ് വെ​നി​സ്വേ​ല എ​യ്​​ഡ് ലൈ​വ് ക​ണ്‍സേ​ര്‍ട്ട് എ​ന്ന പ​രി​പാ​ടി​ക്ക് നേ​തൃ​ത്വം ന​ല്‍കി​യ​ത്. പ​രി​പാ​ടി​യി​ല്‍നി​ന്നു ല​ഭി​ക്കു​ന്ന പ​ണം ജ​ന​ങ്ങ​ള്‍ക്ക് സ​ഹാ​യ​മെ​ത്തി​ക്കാ​ന്‍ ഉ​പ​യോ​ഗി​ക്കാ​നാ​ണ് തീ​രു​മാ​നം. അതേസമയം, അതിർത്തിക്കിപ്പുറം 300 മീറ്റർ മാറി മദുറോ സർക്കാരിന്റെ നേതൃത്വത്തിലും പരിപാടികൾ നടന്നു.

രാഷ്ട്രീയ, സാമ്പത്തിക പ്രതിസന്ധി കാരണം, ഭക്ഷണവും മരുന്നുംപോലും ദുർലഭമായ വെനിസ്വേലയിൽ നിന്ന് 30 ലക്ഷം പേർ പലായനം ചെയ്തു എന്നാണ് യു.എൻ കണക്ക്.