ദുബായ്:
കൊവിഡ് പ്രതിരോധത്തിൻറെ ഭാഗമായി യുഎഇയിൽ ഇതുവരെ നൽകിയത് 50 ലക്ഷം ഡോസ് വാക്സിൻ. ഇതുവരെ 50,05,264 ഡോസാണ് നൽകിയത്. നൂറിൽ 50.61 പേരും വാക്സിൻ സ്വീകരിച്ചെന്നാണ് കണക്ക്. ഇതിൽ ആദ്യ ഡോസ് സ്വീകരിച്ചവരും രണ്ടാം ഡോസ് സ്വീകരിച്ചവരും ഉൾപ്പെടുന്നു. ഏപ്രിൽ ഒന്നോടെ യുഎഇയിലെ ജനസംഖ്യയുടെ പകുതി പേരും വാക്സിൻ സ്വീകരിക്കുമെന്നാണ് കണക്കുകൂട്ടൽ.
ശനിയാഴ്ച മാത്രം 1,03,469 ഡോസ് വാക്സിനാണ് നൽകിയത്. വാക്സിൻ സ്വീകരിക്കാത്തവർക്ക് വിവിധ സർക്കാർ ഓഫിസുകളിൽ പ്രവേശിക്കുന്നതിന് കൊവിഡ് പരിശോധന നിർബന്ധമാക്കിയിട്ടുണ്ട്.