മസ്കറ്റ്:
ജിസിസി ആരോഗ്യ മന്ത്രിമാർ ഓൺലൈനിൽ അസാധാരണ യോഗം ചേർന്നു. വീണ്ടും രൂക്ഷമാകുന്ന കൊവിഡ് സാഹചര്യങ്ങൾ പ്രതിരോധിക്കുന്നതുമായി ബന്ധപ്പെട്ട കാര്യങ്ങൾ ചർച്ച ചെയ്യുന്നതിനാണ് യോഗം നടത്തിയതെന്ന് ആരോഗ്യ മന്ത്രാലയം അറിയിച്ചു.ആരോഗ്യ മന്ത്രി ഡോ അഹ്മദ് മുഹമ്മദ് ആൽ സഈദിയുടെ നേതൃത്വത്തിൽ ആരോഗ്യ മന്ത്രാലയം അണ്ടർ സെക്രട്ടറിമാരും മുതിർന്ന ഉദ്യോഗസ്ഥരും യോഗത്തിൽ പങ്കെടുത്തു.
ജനിതകമാറ്റം വന്ന കൊവിഡിനെ അതി ജാഗ്രതയോടെ കൈകാര്യം ചെയ്യണമെന്ന് ആരോഗ്യ മന്ത്രി ഡോ അഹ്മദ് ആൽ സഈദി യോഗത്തിൽ പറഞ്ഞു.