കൊവിഡ് മഹാമാരിയെ തോൽപ്പിക്കാൻ വീട്ടിനുള്ളില്‍ അടച്ചിരിക്കാതെ കോടികൾ സമ്പാദിച്ച ക്യാപ്​റ്റൻ ടോമിന്​ കൊവിഡ്

ലണ്ടൻ:

ലോക്​ഡൗണിൽ 100ാം വയസിൽ വീട്ടിനകത്ത്​ അടച്ചിരിക്കാതെ ആരോഗ്യമേഖലക്കായി കോടികൾ സമ്പാദിച്ച്​ കൊവിഡ്​ പ്രതിരോധത്തിൽ പങ്കാളിയായ ടോം മൂറെക്ക്​ കൊവിഡ്​. ഞായറാഴ്ചയാണ്​ അദ്ദേഹത്തെ ആശുപത്രിയിൽ പ്രവേശിപ്പിച്ചതെന്ന്​ കുടുംബം പറഞ്ഞു.

100ാം വയസിൽ വീട്ടിൽ ചടഞ്ഞുകൂടിയിരിക്കാതെ തന്‍റെ പൂന്തോട്ടത്തിലൂടെ ഇറങ്ങി നടക്കുകയായിരുന്നു അദ്ദേഹം. 2020 ഏപ്രിൽ 30ന്​ നൂറുവയസ്​ പൂർത്തിയാകുന്നതിന്​ മുന്നോടിയായിരുന്നു നടത്തം. ജന്മദിനത്തിന്​ മുമ്പ്​ 100 തവണ പൂന്തോട്ടത്തിന്​ ചുറ്റും നടക്കുക എന്നതായിരുന്നു മൂറെയുടെ ചലഞ്ച്​.

എല്ലാവരും സ്​നേഹത്തോടെ ക്യാപ്​റ്റൻ ടോം എന്നു വിളിക്കുന്ന മൂറെയുടെ ചലഞ്ച്​ ലക്ഷക്കണക്കിന്​ ജനങ്ങൾ ഏറ്റെടുത്തു. ഇതോടെ 1.1 കോടി യൂറോയാണ്​ അദ്ദേഹത്തിന്‍റെ അക്കൗണ്ടിലെത്തിയത്​. കൊവിഡിനെ തുടർന്ന്​ സാമ്പത്തിക പ്രതിസന്ധിയിലായ യുകെ നാഷണൽ ഹെൽത്ത്​ സർവീസിനായി സംഭാവന സ്വരൂപിക്കുന്നതിനായിരുന്നു ആ നടത്തം. ഇതോടെ അഞ്ചുലക്ഷത്തിലധികം പേർ മൂറെയുടെ ചലഞ്ചിന്​ പണം സംഭാവനയായി നൽകുകയായിരുന്നു.