ന്യൂഡൽഹി:
അമിത്ഷായുടെ അരുണാചല്‍പ്രദേശ് സന്ദര്‍ശനത്തെ രൂക്ഷമായി വിമര്‍ശിച്ച്‌ ചൈന രംഗത്തെത്തി. വിഷയത്തില്‍ രാഷ്ടീയമായ പരസ്പര വിശ്വാസത്തെ ഇന്ത്യ അട്ടിമറിച്ചുവെന്ന് ചൈന ആരോപിച്ചു .അരുണാചല്‍പ്രദേശ് ഇന്ത്യയുടെ ഭാഗമാണെന്ന് ചൈന ഒരിക്കലും അംഗീകരിച്ചിട്ടില്ലെന്നും മന്ത്രിയുടെ സന്ദര്‍ശനം ഇരു രാജ്യങ്ങളും തമ്മിലുള്ള അതിര്‍ത്തി തര്‍ക്കത്തിന് ആക്കം കൂട്ടാനേ സഹായിക്കൂവെന്നും ചൈനീസ് വിദേശകാര്യ വക്താവ് അറിയിച്ചു.