റോഡ് സുരക്ഷയെക്കുറിച്ച് ബോധവല്ക്കരണമുണ്ടാക്കുക എന്ന ലക്ഷ്യത്തോടെ സംഘടിപ്പിക്കുന്ന റോഡ് സേഫ്റ്റി വേള്ഡ് പരമ്പര മാര്ച്ച് ഏഴിന് മുംബൈയില് ആരംഭിക്കും. ക്രിക്കറ്റിലെ മുൻ താരങ്ങളെ ഉൾപ്പെടുത്തിയുള്ള പരമ്പരയിൽ ആദ്യ ദിനം ഇന്ത്യ ലെജന്ഡ്സ്, വിന്ഡീസ് ലെജൻഡ്സിനെ നേരിടും. ഇന്ത്യയെ സച്ചിന് ടെന്ഡുല്ക്കറും വിന്ഡീസിനെ ബ്രയാന് ലാറയുമാണ് നയിക്കുന്നത്. പതിനൊന്ന് മത്സരങ്ങളാണ് പരമ്പരയിലുള്ളത്.
