ഇന്ത്യന്‍ സൂപ്പര്‍ലീഗ് ഫുട്ബോളില്‍ എഫ്.സി. ഗോവ പ്ലേ ഓഫ് ഉറപ്പിച്ചപ്പോള്‍ ബാക്കി മൂന്ന് സ്ഥാനങ്ങളിലേക്കായി പോരുമുറുകുന്നു. എ.ടി.കെ. കൊല്‍ക്കത്ത, നിലവിലെ ചാമ്പ്യന്മാരായ ബെംഗളൂരു എഫ്.സി, മുംബൈ സിറ്റി എഫ്.സി, ചെന്നൈയിന്‍ എഫ്.സി ടീമുകളാണ് അവസാന നാലിലെത്താന്‍ മത്സരിക്കുന്നത്. ജോണ്‍ ഗ്രിഗറിയെ പുറത്താക്കി സ്‌കോട്ടിഷ് പരിശീലകന്‍ ഓവന്‍ കോയിലിനെ കൊണ്ടുവന്ന ചെന്നൈയിന്‍ എഫ്.സി.യുടെ കുതിപ്പാണ് ലീഗിനെ സങ്കീര്‍ണമാക്കിയത്. അവസാന അഞ്ച് കളിയില്‍ നാലിലും ജയിച്ച ടീം അഞ്ചാം സ്ഥാനത്തേക്കുയര്‍ന്നു.