കൊറോണ വൈറസ് പടരുന്ന സാഹചര്യത്തിൽ ഇന്ത്യന്‍ വനിതാ ഹോക്കി ടീമിന്റെ ചൈനീസ് പര്യടനം റദ്ദാക്കി. ടോക്യോ ഒളിമ്പിക്‌സിന്റെ മുന്നൊരുക്കത്തിന്റെ ഭാഗമായി മാര്‍ച്ച് 14 മുതല്‍ 25 വരെയായിരുന്നു ഇന്ത്യൻ ടീം ചൈനയില്‍ പര്യടനം നടത്താന്‍ നിശ്ചയിച്ചിരുന്നത്. എന്നാൽ പര്യടനം റദ്ദാക്കിയത് ഇന്ത്യയുടെ ഒളിമ്പിക്‌സ് ഒരുക്കങ്ങളെ ബാധിക്കും. പ്രോ ഹോക്കി ലീഗ് നടക്കുന്നതിനാല്‍ മറ്റുപ്രധാന ടീമുകളെല്ലാം അതിനുള്ള തയ്യാറെടുപ്പിലാണ്. അതുകൊണ്ട് തന്നെ അവരുമായുള്ള പരിശീലന മത്സരങ്ങള്‍ നടക്കില്ല.