ചൈന:
ചൈനയില്‍ കൊറോണ വൈറസ് ബാധിച്ച് ഇന്നലെ മാത്രം മരിച്ചത്, 64 പേരാണ്. വുഹാനില്‍ മാത്രം 48 പേര്‍ മരിച്ചു. ഇതോടെ മരണസംഖ്യ 425 ലെത്തി. 20,400 പേര്‍ക്കു രോഗബാധ സ്ഥിരീകരിച്ചിട്ടുണ്ട്. വൈറസ് പടരുന്നതിനു തടയുന്നതു സംബന്ധിച്ച്‌ ബെയ്ജിംഗ് നല്‍കിയ നിര്‍ദേശങ്ങള്‍ പാലിക്കാത്ത പ്രാദേശിക ഉദ്യോഗസ്ഥര്‍ കഠിന ശിക്ഷ നേരിടേണ്ടിവരുമെന്നു പ്രസിഡന്‍റ് ഷി ചിന്‍പിംഗ് മുന്നറിയിപ്പു നല്‍കിയിരുന്നു. ചൈനയ്ക്ക് പുറമെ 24 രാജ്യങ്ങളില്‍ രോഗം റിപ്പോര്‍ട്ട് ചെയ്തിട്ടുണ്ട്. അതെ സമയം, വൈറസിന്‍റെ വ്യാപനം തടയുന്നതില്‍ വീഴ്ച സംഭവിച്ചതായും, രാജ്യത്തെ ദുരന്തനിവാരണ സംവിധാനങ്ങള്‍ കൂടുതല്‍ കാര്യക്ഷമമാക്കേണ്ടതുണ്ടെന്നും ചൈന വിലയിരുത്തി.