ന്യൂഡൽഹി:
ലോക്സഭ സ്പീക്കറായി രാജസ്ഥാനില്‍ നിന്നുള്ള ബി.ജെ.പി. എം.പി. ഓം ബിര്‍ളയെ ഐകകണ്ഠ്യേന തിരഞ്ഞെടുത്തു. എതിര്‍സ്ഥാനാർത്ഥിയെ മത്സരിപ്പിക്കേണ്ടെന്ന് പ്രതിപക്ഷം തീരുമാനിച്ച സാഹചര്യത്തിലാണ് ഓം ബിര്‍ളയെ തിരഞ്ഞെടുത്തത്.
ബിർളയെ എൻ.ഡി.എ. ആണ് കഴിഞ്ഞദിവസം നാമനിർദേശം ചെയ്തത്. ഇത് രണ്ടാമത്തെ തവണയാണ് ബിർള, എം.പി. ആവുന്നത്. രാജസ്ഥാനിലെ കോട്ട മണ്ഡലത്തിൽ നിന്നാണ് തിരഞ്ഞെടുപ്പിൽ ജയിച്ചത്. മൂന്നു തവണ രാജസ്ഥാനിൽ എം.എൽ .എ. ആയിരുന്നു.