പെരുമ്പാവൂർ:
ബെഥേല്‍ സുലോഖോ പള്ളിയിലെ യാക്കോബായ ഓര്‍ത്തഡോക്‌സ് തര്‍ക്കം പരിഹരിക്കാന്‍ കളക്ടറുടെ സാന്നിദ്ധ്യത്തില്‍ ഇന്ന് ചര്‍ച്ച നടത്തും. വൈകീട്ട് നാല് മണിക്കാണ് ചര്‍ച്ച നടക്കുക. ചര്‍ച്ച നടക്കും വരെ പള്ളിക്കു പുറത്തെ പന്തലില്‍ ഉള്ളവരുടെ എണ്ണം ഇരുഭാഗത്തും പതിനഞ്ച് വീതമായി കുറയ്ക്കും. പള്ളിക്കുള്ളിലുള്ള യാക്കോബായ വിശ്വാസികളും പള്ളി വരാന്തയിലുള്ള ഓര്‍ത്തോഡോക്‌സ് വിശ്വാസികളും അവിടെ തുടരും. അതേസമയം, പെരുമ്പാവൂർ പള്ളിത്തര്‍ക്കത്തില്‍ സ്വീകരിക്കേണ്ട തുടര്‍നടപടികള്‍ ചര്‍ച്ച ചെയ്യാന്‍ ഓര്‍ത്തഡോക്‌സ് സഭയുടെ അടിയന്തര സുന്നഹദോസും മാനേജിംഗ് കമ്മിറ്റി യോഗവും ചേരുന്നുണ്ട്. ആലുവ തൃക്കുന്നത്ത് സെമിനാരിയിലാണ് യോഗം ചേരുക