തിരുവനന്തപുരം:
സംസ്ഥാനത്ത് ഇത്തവണ ഇടതുതരംഗം തന്നെയെന്ന് സി.പി.എം. സംസ്ഥാന ജനറല്‍ സെക്രട്ടറി കോടിയേരി ബാലകൃഷ്ണന്‍. നിയമസഭാ കവാടത്തിലെ ഇ.എം.എസ്. പ്രതിമയില്‍ പുഷ്പാര്‍ച്ചന നടത്തിയ ശേഷം സംസാരിക്കുകയായിരുന്നു അദ്ദേഹം. പാര്‍ലമെന്റ് തെരഞ്ഞെടുപ്പില്‍ സ്ഥാനാര്‍ത്ഥികളെ കണ്ടെത്താന്‍ പോലും യു.ഡി.എഫിന് ഇതുവരെ ആയിട്ടില്ല. ബി.ജെ.പിക്ക് ബദലല്ല കോണ്‍ഗ്രസ്സെന്നും, കോണ്‍ഗ്രസ്സിന്റേത് മൃദു വര്‍ഗീയ സമീപനമെന്നും അദ്ദേഹം വിമര്‍ശിച്ചു. അതോടൊപ്പം സംഘടനാപരമായും രാഷ്ട്രീയമായും യു.ഡി.എഫ്. തകര്‍ന്നെന്നും കോടിയേരി കൂട്ടിച്ചേര്‍ത്തു