നെ​ത​ർ​ല​ൻ​ഡി​ലെ യു​ട്രെ​ക്റ്റി​ൽ വെടിവെയ്പ്പ്; മൂന്ന് മരണം

യു​ട്രെ​ക്റ്റ്:

നെ​ത​ർ​ല​ൻ​ഡി​ലെ യു​ട്രെ​ക്റ്റി​ൽ തോക്കുധാരി നടത്തിയ വെടിവെയ്പ്പിൽ മൂന്ന് പേർ മരിക്കുകയും നി​ര​വ​ധി പേ​ർ​ക്ക് പ​രി​ക്കേൽക്കുകയും ചെയ്തു. അഞ്ചു പേരുടെ നില ഗുരുതരമാണ്. ട്രാ​മി​ലെ യാ​ത്ര​ക്കാ​ർ​ക്കു നേ​രെ തോ​ക്കു​ധാ​രി നി​റ​യൊ​ഴി​ക്കു​ക​യാ​യി​രു​ന്നു. പ​രി​ക്കേ​റ്റ​വ​രെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ച​താ​യി പോ​ലീ​സ് അ​റി​യി​ച്ചു. പ്രാ​ദേ​ശി​ക സ​മ​യം തി​ങ്ക​ളാ​ഴ്ച രാ​വി​ലെ 10.45 നാ​യി​രു​ന്നു സം​ഭ​വം.

അക്രമിയെ ഇനിയും പിടികൂടാൻ കഴിഞ്ഞിട്ടില്ല. 37 വയസ്സുകാരനായ തുർക്കിഷ് വംശജൻ ഗോക്മെൻ ടാനിസിനെ പോലീസ് തെരയുന്നുണ്ട്. പ്രദേശം പൊലീസ് വളഞ്ഞിരിക്കുകയാണ്. ട്രാം സർവീസ് പൂർണമായും നിർത്തിവച്ചു. പ്രദേശത്തെ സ്കൂളുകൾ അടച്ചു. തീവ്രവാദ ആക്രമണം തന്നെയെന്നാണ് പ്രാഥമിക നിഗമനം. രാജ്യത്ത് അതീവ ജാഗ്രത പ്രഖ്യാപിച്ചു. പ്രധാനമന്ത്രിയുടെ യോഗങ്ങളെല്ലാം റദ്ദാക്കി. പരിക്കേറ്റവരെ ചികിത്സിക്കാനായി പ്രധാന മെഡിക്കൽ സെന്ററിൽ പ്രത്യേക എമർജൻസി വാർഡ് തുറന്നിട്ടുണ്ട്. അക്രമിയെ കണ്ടെത്താനുള്ള തെരച്ചിൽ ഊർജിതമാണ്.