തിരുവനന്തപുരം:
ലോക്‌സഭാ തിരഞ്ഞെടുപ്പിനു മുന്നോടിയായി തിരഞ്ഞെടുപ്പു കമ്മീഷന്റെ നിര്‍ദ്ദേശപ്രകാരം ക്രമസമാധാനച്ചുമതല വഹിക്കുന്ന എസ് പിമാര്‍ക്കു കൂട്ട സ്ഥലംമാറ്റം.
എസ് ബി സി ഐ ഡി ഡി.ഐ.ജി എ. അക്ബറിനെ ഇന്റലിജന്‍സിലേക്കു മാറ്റി. പാലക്കാട് ജില്ലാ പൊലീസ് മേധാവി ദേബേഷ് കുമാര്‍ ബെഹ്‌റയെ, പാലക്കാട് കെഎപി 2 ബറ്റാലിയനിലേക്കും, കാസര്‍കോട് ജില്ലാ പൊലീസ് മേധാവി ഡോ. എ. ശ്രീനിവാസിനെ കണ്ണൂര്‍, കോഴിക്കോട് ക്രൈംബ്രാഞ്ച് എസ്‌പിയായും, അടൂര്‍ കെ എ പി 3 ബറ്റാലിയന്‍ കമാൻഡന്റ് കെ.ജി. സൈമണെ കൊല്ലം റൂറല്‍ എസ്‌പിയായും, ഈ സ്ഥാനത്തിരുന്ന ബി. അശോകനെ, തിരുവനന്തപുരം റൂറല്‍ എസ്‌പിയായും നിയമിച്ചു.
സംസ്ഥാനത്ത് 191 എസ് ഐമാര്‍ക്കും മാറ്റമുണ്ട്. ഒരു സ്ഥലത്ത് ദീര്‍ഘമായി സേവനമനുഷ്ഠിച്ചവരെയും സ്വന്തം ജില്ലയില്‍ ജോലി ചെയ്യുന്നവരെയുമാണ് മാറ്റിയത്. തിരഞ്ഞെടുപ്പ് കഴിയുമ്പോള്‍ ഇതില്‍ പലരെയും പഴയ തട്ടകത്തില്‍ത്തന്നെ തിരികെ നിയമിക്കുകയാണ് പതിവ്.