യുഎഇ തു​റ​മു​ഖ​ങ്ങ​ളി​ൽ​ മയ​ക്കു​മ​രു​ന്ന് ക​ണ്ടെ​ത്താ​ൻ ‘റാ​സ് കാ​ർ​ഗോ’ പ​ദ്ധ​തി

അ​ബുദാബി:

ച​ര​ക്ക് സു​ര​ക്ഷ സ്‌​ക്രീ​നി​ങ്ങി​നും ക്ലി​യ​റ​ൻ​സി​നും ക​ള്ള​ക്ക​ട​ത്തി​നു​മെ​തി​രെ പോ​രാ​ടു​ന്ന​തി​ന് റാ​സ് (റി​മോ​ട്ട് എ​യ​ർ സാം​ബ്ലി​ങ്) കാ​ർ​ഗോ പ​ദ്ധ​തി യുഎഇ തു​റ​മു​ഖ​ങ്ങ​ളി​ൽ ന​ട​പ്പാ​ക്കു​ന്നു. ക​ള്ള​ക്ക​ട​ത്ത് വ​സ്തു​ക്ക​ളും മ​യ​ക്കു​മ​രു​ന്നും ക​ണ്ടെ​ത്തു​ന്ന​തി​ന്​ പ​രി​ശീ​ല​നം ല​ഭി​ച്ച ‘കെ 9’ ​നാ​യ്ക്ക​ളെ ഉ​പ​യോ​ഗി​ച്ച് റി​മോ​ട്ട് എ​യ​ർ സാം​ബ്ലി​ങ് പ​രി​ശോ​ധ​ന​യി​ലൂ​ടെ​യാ​ണ്​ ‘റാ​സ് കാ​ർ​ഗോ’ പ​ദ്ധ​തി ന​ട​പ്പാ​ക്കു​ന്ന​ത്.

‘എ​മി​റേ​റ്റ്‌​സ് ഇ​ന്ന​വേ​ഷ​ൻ 2021’ ന​വീ​ക​ര​ണ​ത്തി​ൻറെ ഭാ​ഗ​മാ​യാ​ണ്​ ഫെ​ഡ​റ​ൽ ക​സ്​​റ്റം​സ് അ​തോ​റി​റ്റി പു​തി​യ പ​ദ്ധ​തി ആ​രം​ഭി​ച്ച​ത്. ക​യ​റ്റു​മ​തി സാ​ധ​ന​ങ്ങ​ൾ, ക​ണ്ടെ​യ്‌​ന​റു​ക​ൾ, ക​പ്പ​ലു​ക​ൾ, എ​ൻ​ജി​നു​ക​ൾ, ഹെ​വി വാ​ഹ​ന​ങ്ങ​ൾ, ചെ​റു​കി​ട-​ഇ​ട​ത്ത​രം വാ​ഹ​ന​ങ്ങ​ൾ, അ​ട​ച്ച ട്ര​ക്കു​ക​ൾ എ​ന്നി​വ​ക്കു​ള്ളി​ലെ വാ​യു​വി​ൻറെ സാ​മ്പി​ളു​ക​ൾ എ​ടു​ത്ത്​ ആ​ധു​നി​ക സാ​ങ്കേ​തി​ക വി​ദ്യ​യി​ലൂ​ടെ​യാ​ണ്​ പ​രി​ശോ​ധ​ന.

ഈ ​പു​തി​യ സാ​ങ്കേ​തി​ക​വി​ദ്യ പ്ര​യോ​ഗി​ക്കു​ന്ന ലോ​ക​ത്തി​ലെ ആ​ദ്യ രാ​ജ്യ​മാ​ണ് യുഎഇ എ​ന്ന് ക​സ്​​റ്റം​സ് ക​മീ​ഷ​ണ​റും അ​തോ​റി​റ്റി ചെ​യ​ർ​മാ​നു​മാ​യ അ​ലി സ​ഈ​ദ് അ​ൽ നി​യാ​ദി പ​റ​ഞ്ഞു. ക​ള്ള​ക്ക​ട​ത്ത്​ ത​ട​യു​ന്ന​തി​ന്​ പു​റ​മെ ക​സ്​​റ്റം​സ് ക്ലി​യ​റ​ൻ​സി​നു​ള്ള സ​മ​യം ല​ഘൂ​ക​രി​ക്കാ​നും പു​തി​യ പ​രി​ശോ​ധ​ന​രീ​തി സ​ഹാ​യി​ക്കും.