Fri. Mar 29th, 2024
അബുദാബി:

യുഎഇ നാവികസേനക്കായി നിർമിച്ച ഇമാറാത്തി മൾട്ടി-മിഷൻ കപ്പൽ ‘അൽ സാദിയാത്ത്’ നാവിക പ്രതിരോധ പ്രദർശനത്തിൽ സായിദ് ബിൻ സുൽത്താൻ ആൽ നഹ്‌യാൻ ഫൗണ്ടേഷൻ ഫോർ ചാരിറ്റബ്​ൾ ആൻഡ് ഹ്യൂമാനിറ്റേറിയൻ വർക്​സ് ബോർഡ് ഓഫ് ട്രസ്​റ്റീസ് ചെയർമാൻ ശൈഖ് നഹ്‌യാൻ ബിൻ സായിദ് ആൽ നഹ്​യാൻ ഉദ്ഘാടനം ചെയ്തു. യുഎഇ നാവികസേന ത്വരിതഗതിയിലുള്ള വികസനത്തിന് സാക്ഷ്യം വഹിക്കുന്നതായും ഏറ്റവും പുതിയ സംവിധാനങ്ങൾക്കും സാങ്കേതിക വിദ്യകൾക്കും അനുസൃതമായി നാവികസേനയുടെ കാര്യക്ഷമത വർദ്ധിപ്പിക്കുന്നതായും അദ്ദേഹം പറഞ്ഞു.

എമിറേറ്റ്‌സ് നാഷനൽ കോർപറേഷൻ ഫോർ മാനുഫാക്ചറിങ് ഓഫ് മിലിട്ടറി ഷിപ്​സ് ആണ് ഈ കപ്പൽ നിർമിച്ചത്. 71 മീറ്റർ നീളവും 14 മീറ്റർ വീതിയുമുണ്ട്. ലെഫ്റ്റനൻറ് ജനറൽ ഈസ സെയ്ഫ് ബിൻ അബ്‌ലാൻ അൽ മസ്രൂയി, സായുധസേന ഡെപ്യൂട്ടി ചീഫ് മേജർ ജനറൽ സ്​റ്റാഫ് പൈലറ്റ് ശൈഖ് സഈദ് ബിൻ ഹംദാൻ ബിൻ മുഹമ്മദ് ആൽ നഹ്​യാൻ, നാവികസേന കമാൻഡർ എന്നിവർ പങ്കെടുത്തു.

By Divya