ഡിമോണ ആണവ നിലയം വികസിപ്പിച്ച്​ ഇസ്രായേൽ

ടെൽ അവീവ്​:

അണുവായുധം പറഞ്ഞ്​ ഇറാനുമേൽ ഉപരോധത്തിന്​ ലോകം നടപടികൾ ശക്തമാക്കുന്നതിനിടെ സ്വന്തം അണുവായുധ ശേഖരം വികസിപ്പിക്കാൻ നടപടികൾ ഊർജിതമാക്കി ഇ​സ്രായേൽ. നെഗേവ്​ മരുഭൂമിയിൽ വർഷങ്ങളായി പ്രവർത്തിച്ചുവരുന്ന ഡിമോണ ആണവ നിലയം അതിവേഗം വികസിപ്പിക്കുന്നതിൻ്റെ ഉപഗ്രഹ ചിത്രങ്ങൾ ഇൻറർനാഷനൽ പാനൽ ഓൺ ഫിസൈൽ മെറ്റീരിയൽ പുറത്തുവിട്ടു.

ഡിമോണ നിലയത്തിൻ്റെ നൂറുകണക്കിന്​ മീറ്റർ തെക്കോട്ടും പടി​ഞ്ഞാറു ഭാഗത്തുമാണ്​ വികസന പ്രവൃത്തികൾ പുരോഗമിക്കുന്നത്​. തൊട്ടുചേർന്ന്​, ഷിമോൺ പെരസിൻ്റെ പേരിലുള്ള നെഗേവ്​ ന്യൂക്ലിയർ റിസർച്ച്​ സെൻററിലും വികസനം നടക്കുന്നുണ്ട്​.

2018 അവസാന​ത്തിലോ 2019ലോ ആകാം ഇവിടെ നിർമാണ പ്രവർത്തനങ്ങളുടെ ചിത്രങ്ങളാണ്​ ഉപഗ്രഹങ്ങൾ പകർത്തിയതെന്നും പ്രിൻസ്​ടൺ യൂനിവേഴ്​സിറ്റി ഗവേഷകൻ പാവേൽ പൊഡ്​വിഗ്​ പറയുന്നു.1950കളിലാണ്​ ഡിമോണയിൽ ഇസ്​​റായേൽ നിലയം സ്​ഥാപിക്കുന്നത്​.