മനാമ:
ബഹ്റൈന്റെ പുതിയ യുദ്ധക്കപ്പലുകൾ ഉദ്ഘാടനം ചെയ്തു. ആർബിഎൻഎസ് അൽ സുബാറ, അൽ അറീൻ, മഷ്ഹുർ, അൽ ദൈബാൽ, അസ്കർ, ജോ, അൽ ഹിദ്ദ്, തഗ്ലീബ് എന്നീ കപ്പലുകളാണ് ഉദ്ഘാടനം ചെയ്തത്. ബിഡിഎഫ് കമാൻഡർ ഇൻ ചീഫ് ഫീൽഡ് മാർഷൽ ശൈഖ് ഖലീഫ ബിൻ അഹ്മദ് ആൽ ഖലീഫയെ ഉദ്ഘാടന ചടങ്ങിൽ പെങ്കടുക്കാൻ സുപ്രീം കമാൻഡർ രാജാവ് ഹമദ് ബിൻ ഈസ ആൽ ഖലീഫ നിയോഗിച്ചു.
മന്ത്രിമാരും മുതിർന്ന ഉദ്യോഗസ്ഥരും ചടങ്ങിൽ പെങ്കടുത്തു. ആർബിഎൻ എസ് അൽ സുബാറ ഉദ്ഘാടനം ചെയ്തു. ബിഡിഎഫ് കമാൻഡർ ഇൻ ചീഫ് കപ്പലിൽ ദേശീയ പതാക ഉയർത്തി. തുടർന്ന് മറ്റു കപ്പലുകളിലും ദേശീയ പതാക ഉയർത്തി.